ᒪ O ᐯ ᕮ ᗰ I ᖇ ᕮ [Completed]

14

[U]

လောကကြီးကိုအမှောင်ဖုံးလွှမ်းနေခဲ့တယ်။
မသေချာမရေရာတဲ့ခြေလှမ်းတွေနဲ့ ဝိုးတဝါးသာမြင်နေရသောပန်းတိုင်ကိုလျှောက်လှမ်းနေခဲ့တယ်။
တစ်နေ့‌နေ့တော့ လမဟုတ်တဲ့နေ ဖြစ်ကြည့်ချင်စမ်းပါရဲ့။

အန္တရာယ်များလွန်းပြီးချောက်ကမ်းပါးအစွန်မှာရပ်နေရသလိုနေရတဲ့သူတို့ဘဝတွေမှာကိုယ်တန်ဖိုးထားမြတ်နိုးရာတစ်ခုကိုလက်လွတ်စပယ်ပြစ်ထားလို့မဖြစ်ပေ။ ထို့ကြောင့်စောင့်ကြည့်ကာကွယ်ရန်သက်တော်စောင့်ဆိုတာအမြဲထားရှိပေးထားရစမြဲသာ။ ကာယကံရှင်ကိုယ်တိုင်ကတော့မသိသော်ငြားပေါ့။

"ဥက္ကဌကြီး..သခင်လေးကင်မ်ထယ်ယောင်း..အကြောင်းကို..သူဌေးကတော်ကြီး..သိသွားပါပြီ.."

ကြိုတွေးထားပြီးသားဖြစ်ရပ်မို့ထူးထွေပြီးအံ့ဩမနေတော့ပါ။

"ဟုတ်ပြီ..ဆက်စောင့်ကြည့်ထားပေးပါဦး..အတွင်းရေးမှုးဂျန်.."

"ဟုတ်ကဲ့ပါ..ဥက္ကဌကြီး.."

အတွင်းရေးမှုးဂျန်ကဦးညွှတ်ကာထွက်သွားတော့ ဂျောင်ဂုအခန်းထဲတွင်တစ်ယောက်ထဲသာကျန်ခဲ့၏။ ထို့အချိန်မှာဂျောင်ဂုတစ်ယောက်သက်ပြင်းယဲ့ယဲ့သာချမိသည်။ ဘယ်ဘဝကဝဋ်ကြွေးတွေကြောင့်များ ဒီဘဝမှာမလွတ်နိုင်မလပ်နိုင်ဖြစ်နေရပါသနည်း။

"ဟျောင့်..မှိုင်နေတာပဲ..ဘာဖြစ်နေတာလဲ.."

အခန်းထဲကိုဝုန်းခနဲဒိုင်းခနဲဝင်လာသောbambamနဲ့အွန်းဝူကြောင့်ဆွေးနေသည့်ခံစားချက်လေးတောင်ဘယ်ကမ္ဘာသို့လွင့်စင်သွားသည်မသိ။

"လူလိုဝင်လာကြပါ..နွားတွေရဲ့.."

ဂျောင်ဂု၏ခပ်ချဉ်ချဉ်အပြောကြောင့်bambamနဲ့အွန်းဝူ၏မျက်နှာမှာမဲ့ခနဲ။
သူပဲနွားလည်းပြောသေး..လူလို့ဝင်လာကြပါဆိုတော့..ဒီကလူတွေကဘာပြန်ပြောရတော့မှာလဲ..!

"တော်စမ်းပါကွာ..ဒါငါတို့ဝင်လာနေကြပဲ..ငါမေးတာသာဖြေ.."

Bambam၏အပြောကြောင့်ဂျောင်ဂုမှာခုဏက‌လေနှင့်လွင့်သွားသောခံစားချက်လေးအားပြန်ခေါ်လိုက်ရသည်။ တစ်ဆက်တည်းမှာပဲတွေးမိသွားတာက သူဒီကောင်တွေကိုတိုင်ပင်ရင်တော့အကြံကောင်းတစ်ခုခုတော့ထွက်လာနိုင်လောက်သည်ဟူ၍ပင်။