جمرة الزمان

بارت 6

تكول رهف؛
مًريِّتٌـ بًظُرفُـ سِـتٌـر أّلَلَهّـ عٌلَ ذلَةّ
  وٌثًـقُةّ مًأّ عٌنِدٍيِّ بًلَ مًجّـتٌـمًعٌ کْلَةّ
وٌيِّوٌمًيِّةّ بًجّـيِّ يِّأّخِـيِّ مًنِکْعٌ أّلَمًخِـدٍةّ دٍمًوٌعٌ ❤️‍🔥
.......................

رهف.. صبيت الغدة تغدو وتغديت وياهم لان ما اتغدة اني

مجتبى.. بابا اريد اكلك شي بس مو تعصب والله اني قريت بس عقلي محجر شسويلة

-خير ان شاء
-رياضيات تدرون بية ما افهم
-احجي وخلصني
- رسبت بل رياضيات
- هاي البداية يالله فهمني شسويلك حتى تنجح، شكد ما خذ بيها ؟

- 10 من 60
-عشرة ولك شلون تنجح السنة ما تكلي

- راح يعيدة الامتحان بابا هوة الثالث صعب شسويلة
- اقرة ويصير سهل اذا انتة كاضيها نوم شلون تنجح ها اسمع ولك تعيد الامتحان اذا ما اجيت ناجح لا طب البيت خوش

- صار

- رهف علي وين
رهف.. فوك
- وهذا المصيبة الثاني اريد افتهم شلون يطلع معدل

رهف.. مجتبى ليش هيج درجتك يعني انت مو زين ترة الثالث كلة سهل ليش هيج

- والله المدرس بلمدرسة شرحة مو زين واني ما داخل دورة ولا اعرف اقرة على اليوتيوب اريد واحد بصفي ويشرحلي

-لا والله عيني تريدلك مدرس خاص يمشي وياك.. يمتة امتحانك

-الثلاثاء الجاية
-عندك هواي وقت اقرة بي
- شكد معدلج بل رياضيات
- 92

- جا خوش انتي تشرحيلي
- عدك اخوان ويشرحولك اني اريد بس اخلص السادس والله تمسلت

-اخواني كلهم مدارس وكليات مو على اساس انتي اختي

- ههه اختة هوة شحصلت من اخواني الصدك

بقيت وحدي بلمطبخ مابية حيل اغسل المواعين واجت رقية

-مۡسَـ(🍀)ـاء الۣخـ(🌸)ـيۡݛ
- مساء النور
- ما عندج شي
- ليش

- بس عندي موضوع بلقواعد ما فاهمته
- واني شذكر من الرابع وبعدين رجلج مو خريج روحيلة

- رجلي بشغل لليل الة يجي يناب يمتة يشرحلي

-روحي لغرفتي على ما اغسل المواعين
كملت غسل مواعين وصعدت

-يالله رقية تعالي، جاي اشرح وهية طاكتلها صفنة
يمعودة وين صافنة
رقية صحت بيها رققيية

- هااااا شكو
- صار ساعة اشرح وين صافنة صاير وياج شي
- اريد احجيلج شي بس مو تكولين
-خير شكو
-ويانة بنية بلمدرسة بس بشعبة ثانية اسمها زهراء
-شبيها
- هية وحدة مو زينة عدهة علاقة وي ولد متعرفة علي بلمشاية بكربلاء وتفتح كامرة وتريد تطلع ويا واهلها مايدرون

-وانتي ليش تتقربين لهيج بنات واهتمي بدراستج وعوفي السوالف التعبانة وانتي هسة مزوجة

-ما متقربتلهة بس هية كالت من نطلع اطلعين ويانة اريد اعرفج على ولد يكدر يخلصج من الفصلية ويصير الحق وياج وترجعين لهلج