گاعدين ورا اربع ساعات طلع الدكتور من غرفه العمليات رحناله بشر دكتور _طلعنه الرصاصه بس يحتاج دم _مين انجيب دم دكتور _شنو زمرة دمه دكتور _O+ _دكتور اني زمرة دمي هاي اسحب مني _تمام تعاي وراي للمختبر _رحت ورا سئلني اذا جان بيه مرض او فقر دم گتله لا لان الفقر الدم الجان بيه عالجته سحب مني _لا تگومين ابقي شويه وروحي اشربي عصير لان ادوخين اذا گمتي _تمام طلع واني گمت رئستا بس گمت ما حسيت اله دوخه براسي طحت وما حسيت بشي اله على صوت الدكتور فوگ راسي _الحمدلله على سلامتج _الله يسلممك _مو گتلج لا تگومين شنو هذا العناد _باوعت على الباب طب الاامر ويا ثنين ضباط الاامر.. الحمدلله على السلامة مسك _الله يسلمك.. واني احجي وخرت الغطه اريد انزل وحجه الدكتور
_سيادة الاامر حاجي هاي الضابط مالتك راسها يابس فهميني انتي من يا محافظه _من الناصريه ما شوفها راسها يابس _شلقصه سيدي اذا انته تحجي عليه هيج گدام الدكتور بعد منو يدافعلي الدكتور.. عمي اني ادافعلج بس استقري شويه اريد افتهم اهل الناصريه شياكلون حتى هيج يعاندون وما يهتمون
_لازم ما عاجبتك الناصريه _افى وين اكو منها.. بس الاريدة منج تگعدين ربع ساعه على ما يستقر الدم _طلع الدكتور سيدي طلع العميد من العمليات _اي صار ربع ساعه من طلع _شلون وضعه _الحمدلله بخير گال فد ساعه ويگعد من البنج _الحمدلله بقيت گاعدة وحدي اخر شي مليت گمت شلعت المغذي وهوة يصب دم فتحت الباب واني امشي بلممر واشلع بلكانونه شافني دكتور ضل صافن _انتي ما تردين روحج شلون شلعينها هيج _سويتها قصة هيه كانونه.. شلتها وذبيتها بلزباله انترست ايدي دم
_لك شوفي الدم اكو واحد هيج يسوي ركضت جبت گطن واجيتها راحت تمشي واني اصيح وراها اوووگفي
_عليمن گلبت الدنيا طالعه من العمليات هية كانونه هسه اغسل ايدي وينگطع _شو تعاي.. سحبت ايدهة وحطيت الكلنس على ايدهة باعي الگاع شلون انترست دم _هيه شكم قطرة _اوووف _رحت لغرفه العميد گاعدين يمه الضباط دخلت الحمدلله على السلامة سيدي _الله يسلمج.. وين جنتي _بلمقر الاامر.. بلقوانين العسكريه يا مسك ممنوع الجذب سحبت دم علمودك وگالها الدكتور لا تگومين بس هيه على گولته راسها يابس _اا ما ادري شكراً مسك _لا مسويت شي الاامر.. رجعي للمقر مسك _حاضر سيدي
طلعت من المستشفى ورحت للمقر طبيت للغرفه مالتي غيرت ملابسي وسبحت بقيت گاعدة على الجربايه وافكر شنو ردت فعل عمامي من يعرفون اخوهم هيج قذر جان شخص مليان اخلاق شلون غيرو فكرت وگلت هسه علي نساني هم يدور عليه هم مشتاقلي مثل ما اني مشتاقتله هم راح يتقبلني اذا اطريت ارجع للعراق ااوووف يالله شسوي بقيت گاعدة وسمعت تلفوني يدك _الو _سيدي الاامر يريدج بغرفه الاجتماع _تمام هسة اجي سديت التلفون بدلت وطلعت رحت لغرفه الاجتماع طبيت لگيت بس الاامر السلام عليكم _وعليكم السلام هلا مسك _ناديتني سيدي _اي تعاي اگعدي _گعدت _انتضري شويه على ما يجون الجنود _تمام _شربين گهوة جاي _جاي _اخذ تلفون الاسلكي استكانين جاي فقار جيبهن لغرفه الاجتماع رجعته وبقيت مركز على الابتوب _شويه واجه فقار جاب الجاي _شربي جايج مسك _شربت الجاي وهوة مركز بلابتوب شويه ودخلو الجنود البلقوات الخاصة _اهلا وسهلا بأبطالنه گعدو _گعدو وضل يحجي الاامر _طبعا اني اجتمعت بيكم اشكر كل الموجودين على تضحياتكم اليوم كنتم ابطال بكل معنى الكلمه والحمدالله ماكو شهداء ولا مصابين غير العميد ندعيله ان شاءلله يگوم بلسلامه واوجه شكر خاص للملازم اول مسك على بطولتها وگدرت اضحي بنفسها وما خافت وبفضلها گدرتو ادخلون الوضع حاليا كل الجهات بلخارج مستقر ماكو اي ارهابين خارج العراق علمود نخاف بس اكو شي الارهابين دخلو العراق وانتشرو بشكل مو طبيعي همة ما ادري ليش هدفهم يدخلون الناصريه وبغداد _سيدي وهسه شنو الحل _هسة اجتمع ويه الضباط البلعراق ونشوف شنسوي اجتمعت بيكم بس حتى اشكركم لو ابقى طول عمري اشكركم ما راح اوفي تضحياتكم وشجاعتكم _هذا بلدنه واجب علينه اندافع عنه _والنعم منكم يا ابطال انصرفوا
طلعنه من غرفه الاجتماع ورحت للمستشفى حتى اشوف العميد دگيت الباب _تفضل _دخلت لگيته گاعد وحدة _السلام عليكم _هلا مسك شعجب اجيتي _اجيت اشوف شلون صرت _خايفه عليه _من گال هيج بقيت متفاجئه شبي هذا.. طبعا لان الصار بسببي _لا مو بسببج هذا واجبي منتضر عمج _من گال هيج حسيت بخنگه واحد مثل هذا الشخص يطلع عمي.. شلون عرفت _سمعت كلشي دار بينكم نسيتي جان مسجل الصوت بملابسج.. لا تخافين مسك ما راح اطلع التسجيل وراح اكسرة هم ما ادري بيج مارة بهيج ضرف ويه واحد قذر ويه مشتاق _وانت مين تعرفه _منو المايعرفه
_اهلك يدرون انت هنا _اني ما عندي اهل _اسفه خاف ذكرتك _لا عادي اهلي راحو بوقت داعش من دخل الموصل وما ادري عايشين ميتين _انت من الموصل _اي من الموصل بقيت شويه خليت وطلعت كسر خاطري من گال اهلي ما ادري وين هواي عوائل صار بيها هيج الله يساعدة
...................... علي... جان عندي فايل اريد اسلمه للعميد ردت ادگ الباب وسمعته يحجي
_احمد رجعلي الضابط مالتي شنو ما ترجع بكيفك انت بلبدايه ما ردتها هسه شكو لازگ بيها لازم حطيت عينك على البت ما رضيت احجي هيج اسئلها يجوز تقبل لا ترضى اني خسرت سارة ما مستعد اخسر رهف يا احمد اذا واحد من جماعتك حاط عينه عليها خلي يطلعها من راسه احسله ترة العندي يگلب الدنيا على مودها ومفكر ارجعها واني اروح احجي ويه ابوها گتلك يطلعها من راسه الوضع يمي مو زين واني محتاجها خلصت شغلتك وكضيت راس الارهاب رجعها وخلصني
_سد التلفون بقيت مصدوم رهف يم الاامر احمد همزين اندله بيا دوله والله جابج الله يا رهف ارجعج لو تنگلب الدنيا دگيت الباب اطيته الملفات وهوة وجها ما يگصه الطبر صاير شي سيدي _لا ماكو شي انصرف ضربت تحيه وطلعت رحت للمكتب وافكر اگل الحيدر لا ما اگله اني اروح بسكته قررت اخر شي اروح رحت اخذت جنطتي حطيت ملابسي بيها واخذت اوراقي وجوازي رحت البيت اهلي لان اني ما گاعد وياهم نفس البيت گلت الاهلي وطلعت البغداد وصلت المطار ربع ساعه وطلعت من مطار بغداد للدوله البيها هيه طولت ساعات بس من طلعت للخارج جان باعتبار بمهمه عسكريه توسلت بلعميد اله خلاني اروح وگلي انو رهف موجودة غادي ودير بالك تغلط بلاسم حاجيها بأعتبار مسك ولا تگول لاحد عنها اقنعها ترجع للعراق لان ما تريد ترجع
وصلت نزلت بلمطار حولت سيارتي وياي رحت استلمتها ورحت جنت اسوق واشوف رهف تمشي بشارع يمكن شافتني وغطت وجها طبگت السيارة امشي وراها اصيح عليها طبت بدربونه...
ييتتببع ••••
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
