يگول الشاعر :
_الوح البل سمه يطير؟
_وبخد السمه خليت نيشان .!
_افه ومن اذكرتهة .؟
_رجفت الايد ورمت وصوبت .؟
_من غير عنوان ؛♡
....................................
رهف..
نمت وما حسيت اله على تلفوني يدك شلته وشفت المتصل حيدر خفت ارد علي شويه ودز رساله
«رهف ردة عليه لاتخافين»
_دگيت علي
_الو رهف
رهف ردي شبيج
_وياك
_شلونج
واني احجي بتوتر
_زينه
_ليش ما گتيلي راح اسافرين
_شغل حكم حيدر
ابوي شلونه
_متانيج تجين
_حيدر اني اسفه لان سافرت بدون احد يدري
_اكبر غلط سويتي بحياتج رهف
_انت ماتدري شگد اتعذب ما تدري شنو اسمع ما تدري شنو النار المشتعله بگلبي ولا واحد كلف روحه منكم يمد ايدة ويطفيها جانت نيتي من السفر بلكت اموت وارتاح من هاي الدنيا
_شحجيت وياج قبل گتلج اهلج ما يهتمون گتلج فتحيلي گلبج واني اسمعج بس انتي تعودتي اضمين بگلبج ومن كثر ما ضمين راح تموتين لو يصير بيج مرض
_اني شنو ذنبي جاي اتحمل اغلاطكم حيدر ليش عيشتوني انو اني وحدة عار والعار انتو سويتو بيدكم
_طلعي شكو بگلبج رهف مستعد اسمعج
_الحجي البلگبي يخرب خلي مضموم احسن
_انتي هسه بغداد
_اي منو گلك
_مهيمن ابن عم ابوج شايفج بلمطار اليوم
_هه مهيمن وشبيه يباوعلي صفح تگول كاتله ابو
خابرك
_خابر ابوي
_وشگاله
_گاله ادري بيها اليوم تجي علمود يسد حلگه
_ها خوش
_اجي اخذج
_لا ما ارجع للبيت
_لا ضلين تمسلتين رجعي وكافي تنغوص
_ما اگدر اطب البيت حيدر بعد
_خليني احرگ كلبج وأكلج نمت بغرفتج هههه
_هههه بلعافيه
_دجاجه حافيه هههه
_هههه يمته تبطل سوالفك بنص المواقف الجديه وضل جفص
_طالع على اختي مسك المشهورة رشحوهة اشجع امراة عربيه لزمت راس الارهاب ها
_حويدرر
_وسم وين انتي هسه
_بغداد
_احترگت عشيرتج ادري اقصد وين گاعدة هسه
_اني اجي
_اكلي تبن تجين وحدج من بغداد
_مو جنت بغير دوله ما گلت وحدج
_الوضع خطر خاتون
_اي وشنو هجمو علينه عشرة تگدرلهم
_عل اقل يگولون ماتت ويه اخوها مو وحدهة اي رهف ونصير شهداء والناس اضل تبجي علينه
طگيتها بضحكه گمت ما اكدر اتنفس
_ها رهف متي تاني ولج خل نموت شهداء حرامات تموتين من ضحكه
_هههههه ولك حويدر اريد اعيش
_هسه من ترجعين للبيت عندي سالفه وياج
_شنو هيه
_بعدين اگلج
يالله گلبي روحي ارتاحي بس گليلي بيا فندق
_لا ضل تلح اني اجي
_اوديلج احد
_اووف والله صاير تلح هواي شگلنه
_ديري بالج على نفسج رهوف
_الله وياك
سديت التلفون واني حايرة شلون راح ارجع بعد هاي المده معقوله ما يحاجوني
رحت سبحت وبدلت طلعت دگيت الباب على علي فتحه
_رهف شبيج صاير شي
_لا ماكو شي بس حيدر خابرني وأصر ارجع للبيت
انتجيت على الباب واني حاط اصابعي بين شواربي..
يعني اودي خطابه
_اوووف اني وين وانته وين جاي اگلك گال لازم ترجعين للبيت
_ههه وانتي صدگتي گلبي بالله كتلوج
_حيدر گال ارجعي ابوي متانيج
_اي رهف انتي بس تگولين حيدر گال وحيدر حجه ما عندج غيرة
_شبي زاعجك
_جؤ جؤ هذا صديقي اعز اصدقائي لان اخته رهوفتي
_عيني اخذ سيارتك وارجع
_وانتي
_ارجع بسيارتي
_لا هاي قويه منج من بغداد للناصريه
_اي وشنو يعني
_نرجع بعبريه اني وياج واكو ولد اخليهم ياخذون سياراتنه گدامنه ادري بيج تخافين ما صعدين وياي واحنه وحدنه
_خوش اليوم بليل نطلع
ردت امشي وصاح
_وين مسكي
_للكاظميه ازور.. وبعد لدگلي مسكي لان رجعنه للعراق
_والله عاجبني ما اغيرة عندج اعتراض
_اوووف
_اي گلبي بس خليني ابدل واجيج
_ نزلت جوة گاعدة منتضرته
باوعت على الدرج نزل هوة وكشخته شعرة ذابل على وجه ولابس اسود يمه گلبي راح يوگف
أنت تقرأ
جمرة الزمان
Acciónتمر الحياة بين: حلم وامنية ولا يحدث الا ماكتب الله لنا عيون تحلم وقلب يتمنى ورب كريم 🖤 سِأعٌدٍکْ وٌعٌدٍآ عٌرآقُيَآ ❤
