اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رهف.. حضرنه للمهمه واجه اليوم النداهم بي المنطقه رحنه اني وريان والفريق بس هل مرة ما ردنه احد من الفريق يدخل للعمارة ويانه دخلت قبلي واني وراهة لازمه الاسلاح وكامرات التصوير حاطينها بطيارة خاصه بتصوير بلحروب
طبينه صارت ريان بعد عني ب 20 متر شويه وصار انفجار باوعت على مكان الانفجار ورة ما فتحت عيوني من التراب لگيت ريان سابحه بدمها ركضت الهة وطب الفريق
حطيت راسها على رجلي وهية بلگوة تحجي _رهف غلطت مسك اريد هذا الاسم يصير للعراق انتي الي راح تصيرين مسك ختام حرب العراق
وهي بلگوة اجر النفس.. ادري ما راح تخلص حروب العراق ولا راح يرتاحون شبابه
_احطه بعيوني العراق بس لازم اني وياج _لا مسك اني بعد هذا حدي سويت العليه وهيه تتألم وكل ساعه تشهگ
انتي راح تستلمين مكاني يا مسك امنيتي قبل ما اموت ان شاء الله تنجمعين انتي وعلي بيت واحد
_رهف وصيتي قبل لا اموت لا تخلوني بلغربة دفننوني بلعراق خليني اندفن بلتراب المتت عليها واني ابجي وامسح بلدم عن وجهة لا سارة اني ما اكدر ابقى وحدي اخذ قوتي منج
_لا خلص الوقت يا رهف يا مسك وهي اجر النفس بلگوة ديري بالج على فريقي وعلى نفسج _كملت كلامها شهگت بصوت عالي وگف عن التنفس بهاي الحضه انصدمت ما ادري شسوي _سارة سااارة فدووه گومي لاتخليني غريبه هنا ساااااارة دخيللللك يا علللللللي سارة گومي العرااااق متانيج بقيت اصرخ والطم على وجهي تدميت بدمها حطيت راسي على بوجه وابجي والنگاب الجنت حاطتة على وجهي طاح شويه وحسيت احد حط شي على راسي رفعت راسي غطته رأستا بجماغ علمود محد يعرف وجهي جانت بنيه ضابط جبيره
-گومي مسك الله اطاهة الشهادة ماتت بعز ودفاع عن بلدهة _اجو اخذوها من حضني وحطوها على السديه ودمها تارس الگاع
احسن صديقه مرت بحياتي ما حسستني بشي طول المدة الجنت وياهة اذكرت اول لقاء النه من جابوني للمركز
راحت سارة انتضريني احط گبري بصف گبرج يا سارة يا ريان يا بطله تضحيتج مو قليله الله يرحمج
