علي.. ورة نص ساعة اجة ابوي عيونة حمر وجها ما يگصة الطبر
_بشر يابة شگلولك
_حجيت بعصبية واني اصيح.. شگالولي ابوها الشايف روحة ماعندي بنات للزواج شنو گتلة قبل مرتة يگلي مخطوبة لابن خالها ومطيهم كلمة
_يابة فدوة ارجعلة واحجي ويا
_شحجي ويا ما يريد يرجع بتة الك گوة
_شني بكيفة اني اروحلة احجي ويا مرتي واريد ارجعلهة
ردت امشي وسحب ايدي باوعت شفت عمها مرتضى واگف ويباوع علينى
بوية روح لعمها بلكت يقنعه
_غير مرة علي اصعد خل نرجع
_الله ياخذني ان شاء الله
_صم حلگك واسكت.. سمعت ابوها يصيح يمكن راحت بيها
_شنو راحت بيها بس لا كتلها من وراي
_بعد ما ادري الله كريم يالله حرك
_صعدت بلسيارة وروحي طالعة خايف لا اذوها بسببي
...............
رهف.. كعدت الساعة ب 12 الظهر لان ما عندي اليوم شغل لا اني ولا حيدر وابوي مطنگر ما يحجي وية اي احد وامي حابسة روحة بلغرفة وحيدر ما احجي ويا يحجي وياي بس ما ارد علي
صارت الساعة ب 8 بليل رحت العباس اريد اخابر عمي علي علمود يجيبلي تلفون
لگيتة گاعد ب صالة وابوي يمة گاعد على الاخبار
عباس
_شكو
_رقم عمي علي عندك
_لا مو عندي تلگينة عد حيدر
_هوة يا يوم طلبت منك شغلة وگلت عندي
صاح ابوي
_گاااالللج ما عنننندي رقمممممة ليششششش تلحين
_باوعت علي واني ضايجة منة ومن تصرفاتة صعدت لعمي حمزة دگيت الباب
_تفضل
_فتحت الباب لگيتة گاعد هوة وابنة على الجرباية
_ها رهف رايدة شي
_ضليت احك بشعري شگلة.. اا اريد تلفونك اخابر على عمي علي
_جا تلفونج وين
_احترگ
_هذا على الميز جيبي افتحة الج اخذي
_بي رصيد
_اي بي
_رحت خذتة واطيتة الة فتحة خذتة ونزلت بلغرفة دگيت علي فتح خط
_الو
_هلو علي اني رهف
_رهف خير اكو شي
_لا ماكو شي طلب زغير من علاوي جيبلي تلفون من صاحبك شگد يصير ميخالف الفلوس موجودة
جاي احجي ما اشوف الة الباب انفتح وطك بلحايط من القوة باوعت هذا ابوي اجة علية وهوة عيونة راح اطگ من العصبية اجة سحلني من شعري وتلفون طاح على الجرباية طگ راسي بلحايط ما احس الة شي نزل على عيوني وما حسيت بشي
حمزة.. جنت گاعدة بلغرفة واجة عباس فتح الباب وهوة كوة يتنفس
يحجي وبلگوة يطلع الكلمة
_عمي الحك ابوي كتل رهف وماتت
_كمزت واني اركض ما ادري بروحي رحت لغرفتها شفت ابوها واگف يمكن مصدوم اباوع لرهف غرگانة بدمها اجت امها اصرخ واجة حيدر
شلتها من الگاع وين اوديها تنزف.. لك قاسم اكو واحد يسوي بته هيج مجرم انته
گعد حيدر يمها گاض راسة بيدة ما يدري شيسوي
حمزة.. بصياح.. ولك حيدر خل ناخذها للمستشفى راح تموت گوم شغل السيارة
راح واجت امها جابت شال لفيت راسها وجابت ثاني لبسنا الهة
بنفاذ صبر.. جيببيلهة شي البسا على ملابسها اطلعها هيج
راحت جابت بشت لبستة شلتها لگيت حيدر فاتح السيارة صعدناهة ما خلينة امها تصعد رنحة بس اني ويا
أنت تقرأ
جمرة الزمان
Aksiتمر الحياة بين: حلم وامنية ولا يحدث الا ماكتب الله لنا عيون تحلم وقلب يتمنى ورب كريم 🖤 سِأعٌدٍکْ وٌعٌدٍآ عٌرآقُيَآ ❤
