جمرة الزمان

بارت 59

_تدري شگد احبك والگلب يهواك
_احبك مثل ادم من عشگ حواء
_شيفيد العمر لو ما اعيشه وياك
_حياتي بلايه حبك والله ما تسوة
..........................................................
رهف..
شويه وسمعت صوت عمي سجاد وهوة يصيح
طب للمطبخ اجاني يريد يطلعني من البيت طب حيدر للمطبخ وسحب ايدة
_ما اسمحلك تمد ايدك على اختي
_عليك الله اختك جانت دايحه شبعت واجت توهه
_وانت شعليك

هوة يحجي واجو كلهم اجه عمي سجاد وطگ حيدر بوكس باوعت علي خشمه يصب دم

اجه عمي حمزه بيده سلاح يريد يرمي عليه حجه ابوي
_حمززززه نزل اسلاحك ترفعععععه عللللى بت اخوك
_بت اخوووووي هاي هاي عار علينه قاسم لازم نغسل عارها
_نزللل اسلاحك بتي واني اتحمل عارها
_خوش خليها تفيدك بتك قاسم
طلع من البيت وگام يصيح ورا ابوي
_حمزززه حمزززه اوگف مو جاي احاجيك
_درت علي.. شكو
_خلينه نگعد ونحجي

طبو بلاستقبال وبدة ابوي يحجيلهم
طبيت للغرفه وهمه ضلو يحجون باوعت على الجربايه ذبيت روحي حتى هدومي ما نزعتهن

حيدر.. ضلينه گاعدين نسولف من حججه ابوي وليش رهف شردت سكتو محد حجه تقبلو الوضع رحت اشوفها لگيتها نايمه والباب مفتوح طفيت الگلوب غطيتها وطلعت شفت امي اسوي عشه وحدهه  رحت ساعدتها وهيه ما تحجي وياي حته من احاجيها
رحت حضنتها من ورة
ماما حبيبتي ليش هيج سويتي ويه رهف
_ختولي هل گحبه هاي لا جيبلي طاريهه
_ليش
_شبي ابن اختي يبزز فوگ ما اجه خطبها مرتين
_انتي تدرين بلوضع البين اهلي وخوالي ليش تكبرين الموضوع
_اسكت عني حيدر مالي خلگ
اخذ السفرة افرشهه بلاستقبال
_اخذتها رحت فرشتها واخذنه الاكل جانت الساعه ب 9 بليل كملنه اكل شويه وراحو
شلنه المواعين وشفت امي تگعد برهف

_رهف ولج هي گعدي خاتون
_فزيت وهيه اذب عليه ماي.. شكو
_كومي يالله غسلي المواعين مو جايه تنامين
_عدلت شعري واني احجي
_ماما هاي التصرفات مالت زعاطيط مو بعمرج
_شگلتي ولج اني زعطوطه والله وكت وحدة دايحه مثلج
_روحي ارتاحي اني اغسلهن

_طلعت ولگيت حيدر واگف ومجتف ادي.. خير شعدك انته انوبه اختك الشاردة ماده لسانها هطوله عليه مدة انته انوب
_عفتها ورحت طبيت للغرفه مالت رهف
سيادة الضابط
_باوعت لگيت حيدر واگف
حيدر هلا شلونك
_بخير
وين جنتي ليش توج اجيتي
_وصلت ب 8 الصبح بس رحت للفندق
_ليش
_استعداد
_ههه
يالله بدلي وتعاي تعشي
_هسه اجي
راح رحت للحمام سبحت رحت طبيت للمطبخ مگلوب گلاب گعدت اتعشه تعشيت ونظفت المطبخ
رحت اشوف تلفوني لگيت علي داگ 15 مكالمه
راسلته وذيج الرزاله بقه ل 3 الصبح يراسلني طفيته ونمت
گعدت الصبح على ما بدلت لگيت حيدر ماشي شغلت السيارة طلعت لگيت عمي حمزة يشغل بسيارته ولا حاجاني تگول عبالك شارده ويه واحد
شغلت السيارة ومشيت
وصلت للمركز دخلت بعد سبع شهور هجرة رجعت طبيت كلها متفاجئ وين جنت هاي المده كلها ومثل اتفاق العميد جنت بغير محافظه رحت بلغت العميد برجوعي بلغني اليوم
رتبتي راح اصير نقيب لان گدرت اقتل راس الارهاب الصار اله خمس سنين محد گدر يوصل الهم ويعرفهم ومن شاف الفيدويات والتصوير شلون جنت احجي وشلون اني الساعدتهم قررو يرفعون رتبتي
رحت العباس اسجل حضور
دخلت بقه يحجي اخر شي گال
_رهف عدنه مؤتمر ب 11 الصبح ضروري تحضرين
_حاضر سيدي
_محتاج شي
_سلامتج.. انصرفي
_اديت التحيه وطلعت رحت لمكتبي لگيت علي موجود
صباح الخير
_صباح العسل مسكي
_متأخرة شعجب
_جنت يم العميد
_شسوين
_بلغت برجوعي
_امم
_شبيك
_انتي
_اوف منك علي
جاي احجي ويا وطب حيدر دفر الباب
_ولك عليوي
شافني وسكت
رهف جا ليش اليوم اجيتي
_تريد يسجولني غياب