جمرة الزمان

بارت 51

گالولي مو مال انعشگ ..
عسكري وگلبي من التعب ..
ما ضل بي حنيه ! گتله واليگدر يضم الوطن ..
كله بوسط هذا الگلب ..
ما يگدر يضم بنيةة .!

.............................

رهف...
شيخ شگد ياخذ وقت وينطي مفعول
_والله يا بنتي يحتاج اقل شي اربع ايام هم يالله
_بس اني باجر الخطوبه شلون اغير رئيه
_بنتي السحر كلش قوي عمل شيطاني يحتاج وقت احتمل يأثر عليج
_شسوي
_انتي بس اغسلي البيت بي وما عليج بلباقي
_تمام شگد يكلف شيخ
_خليها عليه
_لا ما يصير هذا تعبك

اطيته الفلوس وطلعت رجعت للبيت غسلته كله

اجت يوم الخطوبه ودگت عليه شمس وگالت انو مرته حامل ومنزله الولد وراح يطلگها
اجة الوقت واني اصريت عليهم ماكو حفلة يردون يسون بيتهم بس مشيه

لبست فستان عادي جانن موجودات بس خالاتي واقاربهم محد موجود من اهلي
وگفت اسمع الشيخ يقرة وهاي ثاني مرة واني مو فرحانه جنت اخايفة وافكر شسوي فززني من صفنتي صوت الشيخ

_بنتي تقبلين الزواج من اكرم...
_بقيت بلدقيقة ما رديت اخر شي اخذت نفس وگلت لا
رفضت وصعدت اركض لفوگ بلغرفه وامي اصيح عليه

سديت الباب وقفلته من البارحه جنت مقررة ارفض واطلع خارج العراق بدون احد يعرف وامس الصبح رحت للعميد واتفقت ويا استلم الشغل وگلي بعد يومين تسافرين ويه

الطيارات العسكريه الراح تروح ترحين وياهم بس ترحين شخص ثاني راح اصيرين مشهورة وشغلج ينشر بس محد يعرف جنسيتج ولا اسمج ولا شكلج الاسم يتغير والمنطقه وكلشي اتحاول الى شخصيه ثانيه اعتبر رهف ماتت اجت وحدة بمكانها اطاني هويه جديدة بأسم مسك صار اسمي مسك

اتفق وياي من اوصل للمقر التلفون والحسابات مالاتي كلها تنسد وحتى اهلي لازم ما يعرفون وين اني اجيب رقم ثاني

گلي انو راح التقي بشخص يشتغل جان وياي بس ما راح اگلج منو من توصلين هنالك تعرفينه وغيابي بأعتبار انقلت لغير محافظه
جنت مجهزة جنطتي واجه ابوي راد يكسر الباب عليه بس يريد يدخل بقيت ما طلعت لليل اجو عمامي حجو وياي واني ارفض ما اريد اطلع لحد ما صارت ب 3 الفجر اخذت التلفون ودزيت الحيدر رساله

_((حيدر راح اگلك شي ما اريدك اضوج مني على الراح اسوي انته الوحيد التدري بيه شگد اتعذب واني موجودة يم اهلي تعبت من الوضع بس يغصبون بيه على اشياء ما اريدهة
اني راح اروح بمهمه سرية وبس انته گتلك تلفوني راح اسدة وكل حساباتي ما اگدر اگلك اسم الدوله بس احتمال ما راح ارجع للعراق اطول سنه او اكثر او يجوز اجي بتابوت لان ما ادري شنو منتضرني
لا ضوج حيدر مني مجبورة راح اخاطر بنفسي بس علمود اخلص من مجتمعنه
خاف ما ارجع سالمه ابريني الذمه حيدر دير بالك على ابوي لان مو بيدة الجاي يصير هذا سحر بس ما اگدر اگلك منو مو تضرب عباس على كلشي لان ادري بيك عصبي حطيت فلوس جوة مخدتي بلغرفه اطيهن لابوي بس لاتگول مني
دير بالك على نفسك))