اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
......................
رهف.. اليوم علنوا نتائج سادس الاعدادي بقيت انتضر بتلفون ومحد يدري صارت الساعة ب 6 الصبح الة فتح الرابط دخلت على مدرستة وطلعت اسمة علي عباس.. باوعت على المعدل 91 ما ادري بروحي صحت بية بخت محد گاعد وحدي بلغرفة نمت واني ميتة من الفرح مافرحت من نجحت بگد ما فرحت هسة
گعدت الظهر وسولفو علية وانو اني اريد ادخل كلية الضباط عمي مرتضى راضي وابوي جنة بدة يقتنع بس عمامي البقية معارضين سدوا سالفتي رجعوا على علي يرحون يخطبولة
راح ابوي وعمي مرتضى اتفقوا الحاضر 5 والغايب 10 والمشية بعد اسبوع على ما ينزل عمي سجاد من الدوام
نزل عمي سجاد من الدوام وصادف بعد لعيد الاضحى يومين اليوم الثاني يوم الحفلة البيت هوسة وتنظيف واليشتري ملابس
راحت بس سيارات الزلم عشرة استارگس و5 سيارات للنسوان وصلنة البيت البنية طبينة گاعدة على الكوشة ومشغلين الديجي اغانيهم كلهة ما عجبتني اخذتة من الابنية وربطتة على جهازي وشغلت اغنية غزوان الفهد:
اريد ادبج لحد مطيح رجلية احنة اهل الولد موش اهل البنية هذا الورقة بيضة بلون ماضية بعد روحي سبع ويعارج المية امد روحي جسر عساني بلكسر مو كل الزلم عادي عادي تنخسر
مو عريس يسواله عشر عرسان
گبعها واخذها الگال نتشكرة شراي الزلم للموت منخسرة واحد لاك للثاني وكمل حبهم مثل اليل من تلوگلة الگمرة والشامت سمع ورة الزفة طلع نردح والنجم بوية انهد حيلة وگع زفينا وردينا وگلبنة الكون ابن شيوخ واليفزعلة هنيالة مر دربة وجبل وتحزم و شالة محجوزة بسمنا وهاي مالتنا منطيتة عهد للموت تبقالة حنينة المرة وبينة الكل درة والبگلبة حسد ضل ليورة معدل جاب الكحيلة وعرف يختار
ما خليت اغنية ماشغلتهة شوية وگالو الشيخ راح يعقد عقدوا رگصنة يمن ملينة حسيت رجلية بعد ما اگدر امشي عليهة بعدين گالو يالله طلعن كافي طلعت والگالك الدنيا مگلوبة فوگ ذني السيارات جماعتة جاين بسياراتهم الشارع مزدود وما گدرنة نعبر وجايبن فرقة اني ادري الفرقة بزفة مو من هسة شعدهم جماعتك ما مصدگين تخطب شالو ويشمرون بي همة شمرو واني صحت عبالي طاح بلگاع كلهة التفتت علية راحت سيارات الزلم كدامنة واحنة وراهم وكل شوية ينزلون يرگصون منا يمن اجاهم المرور طردهم وصلنة الشارعنة انسد حطو الديجي بشارع وردح ما نگدر حتى انطب اباوع لديجي هذا الاجرنا النة واحنة ضلينة بدون ديجي منو گلهم ياخذونة
