جمرة الزمان

بارت 12

الكاتبه بنين احمد
جمرة الزمان

..........................
سسمير صبيح:
مثل الخيط عايش والحياة حظوض
لو تسكن شمع لو تسكن بسبحه
والعودة اعوج ظله عوج تلكي
شما تطلع شمس ما تكدر تصلحه..
............

علي..
اليوم رحت لبيت اهل حيدر وتأكدت هوة اخو رهف بس هوة ما يدري اني زوج اختة
نزلت طبيت للجادر ناصبين بشارع عزيتة قريت الفاتحة وطلعت واشوف عمي حسين وابوي

ابو علي.. ولك علي شسوي هنا
-بابا انت شسوي اني اجيت لحيدر صاحبي 
حسين.. وين تعرفة ولك
-عمي نلعب طوبة نفس الفريق وتعرفت علي هوة وعمة علي

شفت ولد واكفين يم حيدر اعمارهم تلاثينات وعشرينات
يابة هذولة منو

-ذولة عمام مرتك
-هذولة عمامهة واطوهة فصلية
-علي شبيك
-بوية يعني هاي الزلم ويطون بتهم فصلية
-كلنة ندري بسالفة شنو فصم حلگك
-صار تدلل اني رايح
-الله وياك

علي ..
بقيت صافن على اهل رهف عمامهة شباب وشخصية وحيدر اخوهة ويطونهة فصلية اريد افتهم شلون صدكو بسرعة

رحت للبيت صعدت كبل للغرفة فتحت الباب لان قافلة والمفتاح عندي لكيت رهف كاعدة بلكاع

رهف.. ليش قافل الباب؟
- احسن علمود ما طلعين وتتعاركين وية رقية لان مالي خلك مشاكل

اريد انقل غراضي هنا بس ما لحك ياريت تلميهن وجيبيهن لان عندي امتحان وما الحك
ولو انتي ما بيج حيل اسلي بيهن

-كلت بكلبي خدامة عندك
طلعت من الغرفة اروح الم الغراض لاكتني شمس

شمس.. البقية بحياتج
- حياتج الباقية
-رهف اني اسفة على ذاك اليوم بس صار الصار
-مصار شي

رحت وسحبتني من ايدي ..
شكس.. حضنتهة وكمت ابجي رهف جانت عندي اقرب من امي اسراري كلهة يمهة صديقتي المقربة بس ما ادري ليش صرت هيجي وحجيت عليهة

رهف سامحيني والله ما اتحمل زعلج علية انتي اختي الماجابتهة امي

-اني اختي ماتت ما عندي اخت
امسح بدموعة..
لاتكولين هيجي اني صديقتج رهف هنيالهة ارتاحت وراحت من الدنيا ياريت اموت واخلص

-منو يتمنة ما يموت ويرتاح
-انسي كلشي شي اكيد اهلج ما يعوفونج هسة يجون عليج ويرجعوج

-من امس واليوم ومحد ذكرني شمس ولاجني بقيت بس انا بنية الهم

- شي اكيد ملتهين بلفاتحة

رهف.. عفتها ومشيت..
شمس.. وين رايحة انتي

-اجيب ملابس علي راح يكعد بلغرفة ال اني بيهة
-اوو حب الولد اني المهن وياج

:-رحنة لمينة الملابس اني وشمس شوية ارتاحيت من التفكير والحزن اجة علي اخذ مكتبة وحطا بلغرفة والكتب