جمرة الزمان

بارت 25

يَگوٌلَ عٌلَيَ لَرهّفُ :
بًضلَوٌعٌيَ شُبًتٌ
نِآر مًنِ فُآرگتٌنِيَ 💔

جّنِةّ مًثًلَ مًآيَ وٌهّوٌﮯ؛
حًآلَةّ صّدٍآقُةّ وٌحًبً سِوٌةّ!
وٌهّسِةّ آنِآ وٌآحًدٍ مًنِهّدٍمً فُآرگ،
حًبًيَبًةّ وٌصّآحًبًةّ!

..........................

علي.. ورة ما تطلگنة اني ورهف البيت ما طبيتة بقيت بيت صديقي يومين وبعدين رحت الكربلاء بلكت شوية ارتاح

جنت ازور توني طلعت ودگت علية امي بليل رديت عليها

_علاوي يمة شلونك ليش ادك عليك ما ترد ترة اني امك ليش تخوفني عليك عوف الناس كلها رد علية بس اني على الاقل لو بيدي والله هسة اروح اجيبها الك واجي بس تدري ببوك فرت راسة امة شنسوي

_الله لا يوفقهم ان شاءلله يمة حركوا كلبي

_ميخالف يمة بلكت الله يهدي وارجع اخطبها هسة انت ارجع للبيت ما يصير صارلك اسبوع ماكو وابوك كل ساع يسئل عليك خايف عليك بس يفكر

_ابوي لو يخاف علية ما خلاني بهيج موقف واني اگلة هاي الانسانة حبيتها اريد اعيش وياهة تگول عبالك كلبة حجر

_ميخالف يمة خليها على الله يجوز رب العالمين يريد يختبرك

_يمة بس صعبة ما اكدر.. گمت ابجي وهية تسمعني

_سودة علية يمة قوي گلبك لازم تتعود هية هاي الدنيا جنت زغير وما تدري بدنيا شنو بس هسة كبرت والمنتضرك اكثر

_الله كريم

_اليوم اسيا مرت عمك حسين خابرتني

_شعدهة

_باجر تجي هية واختها ياخذون غراض رهف

_ليش ياخذوهن

_شنو ليش يمة غير ملابسها وغراضها

_تمام اني هسة طالع راح اجي يجوز اوصل ب 2 بليل

_خوش يمة

_بيش الساعة يجن باجر

_گالت نجي العصر بعد ما ادري

_ورهف تجي وياهن

_لا ما اعتقد تجي بعد وطب البيت

_تمام يالله بعد سلامة

_الله وياك توصل بسلامة

طلعت تعشيت ورحت للگراج وجانت الساعة ب 10 بليل طلعت من كربلاء وصلت للناصرية الساعة ب 2 ونص بليل الباب جان مقفول ادري بمجتبى يبقة سهران لان هوة نجح من الثالث دگيت علي واجة فتحة