جمرة الزمان

بارت 2

الكاتبه بنين احمد
روايه جمرة الزمان

................
علي.. جنت كاعد اقرة لان اني صف سادس راسب سنة بصف الاول ابتدائي

كاعد ما اسمع الا صوت الصياح علة وصريخ عبالي مشكلة عادية لان متعودين على المشاكل نزلت اشوف شكو لكيت بيبيتي دك وتلطم وكرار وعمر مكابلينهة
رحت يم امي احجي وياها

علي.. شبيكم ليش اصرخون يوم شكو شصاير
الام.. باقر ابن عمك دعمو ثنين ولد من الناصرية ومات
- شنو هوة شيسوي بغداد
- راح وي ولد خالة لامام الكاظم (ع) هوة وعبر الشارع اندعم
علي.. من كالتلي امي باقر راح صدك ضجت لان جان ما بي اذية وبعدة زغير
امه وابو ماتو بحادث هوة وزغير ..

مرت الفاتحة واليوم المشية اتفقو على 3 فصليات بس ما حبيت شرطهم البنات ما الهن ذنب وعادات العشاير دوم ما احبها وبعدين هواي طالبين ..

اجة اليوم التجي بي البنات جنت تعبان لان اليوم اخر يوم امتحان الي لليل وهمة ما واصلين لان الناصرية بعيدة عن الانبار

صارت الساعة 11 بليل وصلت السيارات نزلت اشوف همة الاجو لو لا لكيت بيبيتي لازمة الباب وتلطم تلكتهم وبلكوة طبت نزلن البنات ثنين راح يطيحن من الخوف وحدة وجها كلة اثار ضرب بس ما خايفة جانت لابسة ملابس مدرسة.. طبن وحدة تباوع للثانيه بخوف من شافن بيبيتي..

رهف ..وصلنة للبيت جان كلش جبير بنص البستان طبينة البيت ولكينة ولد ومرة جبيرة تلطم

طبينة وهجمت علينة المرة الجبيرة الكيناهة اول ما اجينة اجة ولد بلكوة وخرهة اجت مرة متوسطة بلعمر

ام علي.. هلا بيجن تعالن طبن

طبينة بصالة كعدة والولد الجانو واكفين كلهم اجو والرجال

ابو علي ..هلا بيجن بنياتي البيت بيتجن ولا تخافن من شي وباجر الصبح إن شاءلله يجي شيخ ويعقد الكم انتي شنو اسمج اشر على رقية

رقية: رقية اسمي
وانتي اشر على شمس
شمس: شمس
وانتي بابا اشر علية
رهف: رهف اسمي
ابو علي عاشت الاسامي
عمر رقية الك
سيف شمس الك
علي رهف الك

علي .. شنوو.. بابا و نور  شلون اني ما راح ازوج اي وحدة غير نور احنة متفقين اخلص سادس وازوج
_وشلون بالله رئيك عيني البت اضل بدون زواج شتكول علينة الناس

_ يعني بس اني اطيها للكرار وبعدين شعدكم جايبين 3 بنات ميت من عدكم واحد

_ تزوج وغصبن على راسك سمعتني واحد انتة ما حجة اخوك ما حجة ابن عمك لو بس انتة حضرتك

عفت الصاله وصعدت فوك طبيت للغرفه.. كعدت على الجربايه لازم راسي شلون بلوة

نور ..اني كاعدة وسمعت اطو البنات للولد وباجر يعقدون خفت علي يروح مني رحت كضيت رهف من شالهة اريد اخنكها بلكوة خلصوها مني عفتهم ورحت لعلي