علي.. وانتة حويدر لا عبالك سكتت على بوكت السيارة ابن الاوادم يتكشخ براسي حيدر.. طلعتلة الساني وهوة ركض وراي
طبيت للبيت اركض ابوي كاعد بصاله ضلينة نتعارك
الاب.. زعاطيط انتم كل واحد شطولة ما تبطلون هاذا المناكر
رهف.. سلمت على عمي سجاد بس عمي مرتضى ماكو بس ابنة الجبير ﻤؤمل طبيت جوة سلمت على مرت عمي حمزة دخلت للصالة لكيت علي وحيدر واحد يخزر بثاني طبعا هذا الثنائي كل ما يكبرون يسودنون يكولون اليكبر يعقل هذولة الاثنين لا
طبيت للصالة گمز حيدر من مكانة حيدر.. بابي شوف رهف رحت جبتهة واجت رهف.. اني ضليت صافنة حيدر گال ابوي مريض شو ما بي شي
الاب.. يا هلا وميت هلا رهف.. اجة علية والضحكة شاگة حلكة خذاني وگام يبوس بية ويحضني ما مصدك اجي -تعالي باباتي گعدي -گعد وگعدت يمة.. شوية وطلعت امي من الغرفة
الام.. صلوات شعجب ذكرتي عدج اهل وجيتي لازم حلتلج الكعدة يم الانبارين ست رهف
الاب.. صمي حلكج وسكتي بدل هذا الحجي تعاي سلمي على بتج صارلج سنة ما شايفتهة
