_خدج والعلم يوميه بايسهن
عيونج والوطن اخذهن اخذهن💙
...................
علي..
تعرفين هاي العابه حبيبي
_باوعت الهه نفس العابه التعاركنه عليها اني وحيدر وما قبل يشتريها
علي هاي مين جبتها
_سمعت حيدر يتعارك وياج لان مشتريلج هواي وشفتها عجبتج اشتريتها وگلت من اصير مرتي اطيها الج
_بس بوقتها جنت انت مزوج
_جان عندي امل اصيرين الي
جنت ارتب بلكنتور وحجه علي
_باجر راح ابدي بشغلي
_صدك واني
_انتي بعد اسبوع يجوز اكثر اطلبلج اجازة لان بعد تحتاجين راحه
_ما بيه شي صرت زينه
_لا حبيبتي لازم ترتاحين اكثر
بقيت اسوي بلملابس بلنص ساعه
_ما خلصتي
_شكو
_تعاي نامي
_اكمل وانام
_عوفيهن باجر كمليهن
_اخليهن مطشرات بلگاع شلون
_اووف لا شلعين گلبي منعس واريد انام
_جا ما تنام منو لازمك
_غير تجين تنامين بحضني جؤجؤ شلون يهون عليج تعوفيني انام وحدي
_بس هاي الخانه
_حجيت بصوت عالي.. گووووممييييي طفيييي الضووووء وتعاي نخمدي
_ذبيت الملابس من ايدي بضوجه رحت طفيت الاضويه مالت البيت رجعت للغرفه سديت الباب واجيت انام درت وجهي عنه ونمت
_مثلا عود هاي شيسمونها
_رهف قاسم
_انتي ليش تحبين تلعبين بأعصابي
_واني شنو مسويه گتلي شنو يسمونها گتلك رهف قاسم
_لا والله
_وداعت عبدالله
_شو التفتي وجهج عليه
_الفتت علي وصار وجهي بوجهه
_منو عبدالله
_منو يعني غير اليعبد رب العالمين
بقه يباوعلي ورافع حاجبه
_حطيت اديه على راسه تعالي حبيبي نام وعوف العصبيه تخرب شبابك
نام على صدري وهوة يحجي
_من البدايه وصيري خوش بنيه مخليتني اركض وراج
گعدت على صوت علي يدور بلغراض
_شدور علي
_ساعتي السوده وينها
_بلحافظه مالت الساعات
_ماكو
_گمت ادور عليها ماكو فتحت العلبه مالت الساعات مالتي لگيتها
هايه غير
_اي هاي وين لگيتيهه
_ويه ساعاتي
_بايگيتها تلبسينها تردين
_هههه اسويلك ريوگ
_لا حبيبتي ما بيج حيل ارجعي نامي
_لا شبعانه نوم راح اسويلك بعد وكت
رحت للمطبخ سويت جاي وبيض وجبن وصمون
_يالله علاوي تعال اتريگ
گعدت على الطبله
_يمه فدوة للبنات
باسني بخدي وگعد
_مسكي الخميس الجاي نروح لكربلاء
_ها شعجب
_طبعا ما قصر ابو فاضل رجعج مثل قبل
_حتى الامام العباس (ع) مل منك من كثر ما تنخا
_لا انتي ما عليج اني ويا متفقين
_هههه متفقين
_ههه جا شعبالج
كملت الريوك وطلعت وراي رهف
_محتاجه شي مسكي
_سلامتك
راح سديت الباب ورا باوعت للبيت كلش وصخ يرادله تنظيفه زين بديت من الغرفه نظفتها ورجعت على الصاله والمطبخ طبيت للاستقبال عبارة عن دولكات ماي ومطفايه جگاير والجاي تارس الگاع
يالله شگد قذرين الولد كلشي ما يفيد بيهم
نظفتها ونظفت الحديقه والطارمه
طبيت جوة سويت غدة سمعت الباب يدگ باوعت بلكامرات عمي مرتضى وعمي سجاد
رحت فتحت الباب
_اهلا وسهلا
سجاد.. هلا بيج بستها بخدها
مرتضى.. شلونج رهوف بستها وطبينه جوة
_الحمدلله انت شلونك
_بخير
گعدو بصاله رحت جبت ماي اطيته الهم
_شعجب اجيتو
_تردين نرجع
_سألت ليش تاخذونها بغير شي
مرتضى.. الديج مالتج وين
_ههه اگول عباس عليمن طالع عليك كل ما خابرني وگال الديج مالتج شلونه
_ههههه
سجاد.. شوفي عمج يقلد على رجلج وانتي ساكته
_شسوي ما اگدر احجي
_اي ما گلتيلنه الديج مالتج وين هههه
_هههه بشغل
_الساعه ب 2 ونص بعدة لهسه ما جاي
_مو صار هواي مامداوم
_جا وانتي يمته ترجعين
_يجوز بعد اسبوع
_ها خوش
_متغدين
_اي متغدين دولمه
_شي اكيد جنتم عد عمتي اسيا لان ما تجون هيج وحدكم
_يعني شنو الفرق نفس الشي
_لا مو نفس الشي انتم جاين الهه مو الي
مرتضى.. اوو هو سجاد زعلت بت اخوك بعد شيراضيها
_لا تخاف تزعل وحدها وترضه وحدهه
أنت تقرأ
جمرة الزمان
Actionتمر الحياة بين: حلم وامنية ولا يحدث الا ماكتب الله لنا عيون تحلم وقلب يتمنى ورب كريم 🖤 سِأعٌدٍکْ وٌعٌدٍآ عٌرآقُيَآ ❤
