اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رهف..
رديت علي فتحت الخط بدون ما احجي
_هلو رهف
_بقيت ساكته
_زعلان مني الحلو
_شعدك داگ
_مشتاقلج ليش قافله التلفون
_من وراك
_ههه شمسوي
_كلش قليل الحجيته
_اسف مسكي بس صبر ما ضل بيه
ما قصر ابو فاضل بنفس اليوم الله هدة العميد واجه بطلب مرة وحده
_حتى الخطوبه هم دخلت بيها الأمه
_ههه جا شلون اخو زينب حلها ولين راس ابوج
_لا تحجي على ابويه واني بعدني زعلانه منك
_بيش اراضي حبيبي يالله باجر غصبا عليج ترضين
_دروح يالله روح باجر اخليك تجي وارفضك
_هههه ليش هيه بكيفج
_لا بكيفك
_طبعا عمري اني وياج رأي واحد وها ما اسمحلج تلعبين بشغلاتي وديري بالج تگصين شعرج لو تصبغي
_شعري وبكيفي
_لا حبيبي هاي غراضي باجر بعد كلشي بيج الي
_ههه عود ان شاءالله
_وين انتي هسه
_بلسوگ
_كملتي
_لا بعد بدله بس اريدها من الناصريه وكوشه
_اوك اني هسه اودي سيف وحسن يأجرون الكوشه
وراح اشوفلج بدله عندج اسم المحل
_اي عندي
_خوش اني اصور الج وشوفي التعجبج او وديلي الصور التردينها
_تمام بس كون تجي الصبح
_اي گلبي تدللين بعد تردين شي
_سلامتك
_ممكن طلب مسكي
_اطلب
_اريد اسمع منج احبك
_علي جاي امشي بلسوگ ترة
_اي وذا شنو يعني نصي صوتج شوية
_اني ما اريد اگول
_جا غير اموت اليوم
_ما
_يالله يا عمري گوليها وريحيني
_احبك علوشتي
_يمه گلبي راح اموت ليش صوتج يتغير من تحجين ويايه
_لا مشتبه هوة صوتي هيج
_اي گلبي جا شيگول المثل
_شيگول
_قرد بعين امه غزال
_عليوي
_يالله حبيبي روحي كملي
_باي بس اضمها الك
_ههه باي
سديته منه ورحت كملت رجعت للبيت
ثاني يوم وده العصير والكيك والكوشه والبدله بيد اخوانه نصبو الجادر ومشو
تغديت ورحت للصالون واني اول مرة افرح حسيت بشعور ودي اطير من الفرح حسيت براحه وگفت على المرايه واني اباوع على نفسي هم يديم هذا الفرح وما يصير شي يخرب الخطوبه راح ابقى سعيدة ويه علي
بدلت وراحت وياي عمتي سهام للصالون واني ميته من الفرح كملنه وخابرت على حيدر اجه اخذنه
وصلنه للبيت نزلت بعدهم ماجاين طبيت للبيت لگيت عمي علي يرگص بصاله هوة وعباس ويه البنات حتى النسوان بعدهه ما جايه بس اهلي
علي.. شوفي رهف جاي اوفي الدين مو گتلج ارگص بعرسج
_بس العرس بعدة
_ميخالف
طلعو بقت الاغاني مشتغله واجو اهل علي كلها فرحانه وترگص ما عده نور وبيبيته علي
شويه وگالو راح يعقد الشيخ
گعدت ورة الباب وبيدي القرأن وحطيت رجليه بلغطاس بقيت خايفه ما ادري فرحانه هاي رابع مرة اگعد هاي الگعدة وكلهن ما الي حض بيهن معقوله هل مرة راح يكون هذا الشخص الراح يعوضني عن كلشي عن الحجي والعذاب حجه الشيخ
هل تقبلين بعلي عباس زوجا لكي
حجيت واني ارجف ووبلگوه مسيطرة على نفسي
_مو افقه
وافقت وصوت الهلاهل النسوان سكتن النسوان وبقو الولد البرة يهلهون ماكو غير جماعه علي
رجعت للكوشه راد علي يطب وبيبيته وگفته
راحلهة عمتي سهام واسيا
اسيا.. حجيه ترة مرته مايصير
_لا عيني هاي يسمونها دياحه طبه ابن ابني ما يطب
سهام.. ليش هيه بكيفج ابنج هوة كلهه الناس هيجي يطب ويرگص ويضل ساعه كامله وخليني اشوف واحد يحاجي ويطلعه
_ولج انتي ما تستحين عود اني ضيف عدكم هيج تحجيت
اجت نور
_لاتعلن صوتجن على بيبيتي واحترمن نفسجن
بقن يتعاركن على صوتهن اجه عمي مرتضى والطارمه والشارع متروسه ولد متانينه يطب علمود ياخذونه يسوله حفله
گامو يصيحون لان ما يخلونه يطب
دخل عمي مرتضى وعمي علي وعلي واگف بطارمه
مرتضى.. خير شعدجن تتعاركن
سهام.. خويه الولد يريد يطب الحجيه عيني ما ترضه يطب
علي.. شنو هيه بكيف واحد
صحت على علي اجه اخذت ايدة وطبيت للصاله حطت النسوان حجابات على روسها وگفته يم رهف غمزتلهة وطلعت
البيبيه.. اني بهذا البيت المايحترم رأي ما ابقى بي وينك عباس تعال اخذني
اجه عباس طلعهة ورجعها للبيت هيه ونور
أنت تقرأ
جمرة الزمان
Açãoتمر الحياة بين: حلم وامنية ولا يحدث الا ماكتب الله لنا عيون تحلم وقلب يتمنى ورب كريم 🖤 سِأعٌدٍکْ وٌعٌدٍآ عٌرآقُيَآ ❤
