جمرة الزمان

بارت 14

الكاتبه بنين احمد
جمرة الزمان

...............   

علك على الوجه ضحكه وامل بروح
بزوايا العين كافي شكم حزن راكن
وفك باب القفص خلي الاحلام اطير
وانت من الطفوله شكم حزن راكن.
...............

علي.. اني باوعت عليج غلطانة
اها خلصت

-  صح كلة بس الخطوة الاخيرة غلط
-واذا
-شنو وذا تدري صار 3 ساعات اشرح من 9 وهسة ب 12 بليل ويطلع غلط

-ترة كلش زين وحليت وطلع عندي بس غلط واحد ما تدرين شكد فرحان

-ههه عليك الله اسمع علي اذا ما اجيت ما اخذ درجة كاملة اموتك سمعت

-يبوي راح تموتيني يعني ما امن على روحي اروح انام يم امي احسلي ابقة وية وحدة مجرمة

-منو جابرك تنام هنا يم المجرمة
-شنسوي بعد ياالله طفي الاضويه خل انام باجر صباحي

-رحت طفيت الاضويه اجيت انام حطيت راسي على المخدة احس هموم الدنيا كلهة اجتني ما احس الة علي سحبني بحضنة

-علي شسوي مو اني مجرمة لا اخنكك
-بس اليوم فوك ما انومج بحضني
-بالله يا هوة حضنك كايلتلك
-حضني مميز ما ينامون بي بس العزاز

:-سكتت واني احس روحي بعالم ثاني افكر وين الدنيا تالي اذبني..

رهف
كعدت ب 7 الصبح لكيت علي يبدل
صباح الخير
علي.. صباح النور
-اسويلك ريوك
-اذا بيج حيل

رهف.. نزلت سويتلة ريوك وكلت ويا

صارت ب 8 اني كاعدة بلمطبخ اجت سيارات دورية وكفت بلباب طلع ابو علي

الضابط.. السلام عليكم
-وعليم السلام تفضل
-رهف قاسم بهذا البيت
-اي ليش
-اجتنة بلاغية عليها
-شمسوية حتى بلاغية عليها جاين
-ياريت اصيحة تجي ويانة
-شنو تجي وياكم من كل عقلكم اطيكم بتي تروح وياكم

-لا تخليني اخذهة بلقوة
-احب اكلك الواكف كدامك عميد شرطة انتبة لاسلوبك لا تروح بداله

-عفوا سيدي بس اذا ما تطيهة تكدر الملازم سارة تفوت وتجيبه

-اني اجيبهة روحو
-متانينك هنا خل تروح ويانة وانت تعال ورة بتك

-رحت اصيح رهف لكيتهة كاعدة بلمطبخ وكلهة تلكتني..

ام علي.. خير شصاير ابو علي

رهف.. دار وجها عليه وحجه..
-رهف شمسوية من مصيبة والدورية جاية عليج

-اني شمسوية ما مسوية شي
- امش بدلي وتعاي
-وين اروح
-امشي بدلي بسرعة

البيبية..
شمسوية من مصيبة هاي الطركاعة ما رجعتوهة لهلهة خليتوهة هنا تالي الوكت دورية توكف بابنة