تگول ساجدة عبيد :
_ايا هلي الضلام !
_ردو علية ؟
_جيبولي ولفي عاد ماني خطية ؛
_هلي يا ضلام يا هلي !
_جيبولي ولفي ألي !
_والفرگه يا هلي ♬
_چوت گليبي چوي ♡
_لا يا هلي الضلام !
_لا رحم عدكم .
_جيبولي ولفي عاد موش انا ابنكم ؟
_هلي يا ضلام يا هلي .
.............................................
رهف.. اجه يوم الجمعه الي هوة نفسه يوم زواج علي
جان بنفس اليوم عدنه واجب ب 5 العصر على بيت مخدرات اني وحيدر وسارة وعباس
طلعنه طوقنه البيت دخلنه اني وسارة اول شي وهمه ورانه دفر الباب حيدر وطبينه لگينا بس رجال واحد هوة نفسة اليهرب بلمخدرات
دخلت القوات دورو البيت كله بقت بس غرفه وحدة مقفولة كسرو الباب لگيناهة متروسه مخدرات اخذو المخدرات والرجال ورجعنة الساعة ب 7 بليل للمركز بقه حيدر يحقق ويا واني بالي يم علي
انتهى كلشي بعد راح يزوج ومثل ما جان يحبني راح يحبها ومثل ما يشاقيني يشاقيها واني العلية اشوف واحترگ من داخلي ومحد يحس بيه ما يدرون يصراع البداخلي عبارة عن حرب نفسيه
صارت ب 8 وهذا الوقت اليزفون بي علي بهاي الساعة لازم انهي كلشي انسى واحد اسمه علي
جنت گاعدة وحدي بلمكتب من العصبية شكو شي على المكتب شمرته بلگاع واكسر بي واني ابجي واشهگ
بقيت گاعدة على الكرسي وحاطه ايدي على راسي شوية ودخل حيدر بقة صافن من شافني وشاف المنظر جان يخوف
حيدر.. حجيت واني راح اموت من الخوف.. رهف شصاير شبيج
رهف.. حية طبت هنا وكتلتها وتطشرن الغراض
_متأكدة ما صاير شي ثاني
_شيصير مثلا
_والحية وينها
_ماتت
_ههه ادري ماتت اريد اشوفها
_تريد تدفنها شنو شلك بيها ختولي
_با عيلي رهف
_درت وجهي علي
_هذا الجذب الجذبتي مو عليه تحجين لو لا
_حيدر ترة ما الي خلگ اتعارك وياك واصله لخشمي لا تخليني اذب حرگتي بيك كملت تحقيق خل نرجع للبيت
_رحت وگعدت گبالهة.. ليش ما تفتحيلي گلبج وتحجين ادري بيج ما عندج احد تشكله واطلعين
البگلبج لا اخت ولا ام تفهمج وتسئلج لو ترحيلها ولا صديقة احس بيج واعرف احساسج مريت بيهن ذني
وما لگيت احد اروحله ادري كل الزين اهلي من ساسهم لرجليهم غلط وما يهتمون بمولدهم ويسئلوهم علمود يگدرون يطلعون البگلبهم
_حيدر يحجي واني عيوني اصب
_رحت يمهه وامسح بدموعها.. كافي رهوف محد يستاهل دموعج الغاليات نزليهن على شي يسوة
احجيلي رهف ليش تبجين
_احجي واني اشهگ من البجي مو سهله حيدر ما اگدر احجي
_لان علي اليوم تزوج مو رهف
أنت تقرأ
جمرة الزمان
حركة (أكشن)تمر الحياة بين: حلم وامنية ولا يحدث الا ماكتب الله لنا عيون تحلم وقلب يتمنى ورب كريم 🖤 سِأعٌدٍکْ وٌعٌدٍآ عٌرآقُيَآ ❤
