نِرسِمً آحًلَآمًنِآ بًکْلَ رقُةّ ❄
وٌيَفُسِدٍهّآ آلَوٌآقُعٌ بًکْلَ دٍقُةّ ☄️
......................................
نور.. علي انتة شعليك مو ازوجت وعفتني ليش توكف بقسمتي
علي.. شنو شعلية احنة مو متفقين نزوج بس اخلص سادس واني رهف ما اريدهة اريدج انتي
نور.. الله يخليك عوفني
علي.. شنو اعوفج نور انتي براسج شي
_لا ما بيه شي
_انتي منتبه النفسج شجاي تحجين لو لا نور انتي جاي تكليلي عووفني شنو اعوفج اني مو احبج وانتي تحبيني
_علي اني ما اكدر اكمل وياك رجائا ابتعد عن طريقي
علي.. عافتني وراحت واني مصدوم شنو التغير ليش هيج تغيرت..
رهف..
من سمعت اجو خطابة النور فرحت كلت بلكت تزوج وتعوف علي بس علي ما عافها ما اكدر اخلي وحدة تجي فوك راسي حتى لو جنت فصلية مستحيل اقبلها على روحي احسها اهانة الي اذا سكتت حتى لو الشرع حلل
علي.. كاعد وميت الف فكرة براسي شسوي شلون اخليها توافق اخر شي ماكو غير حل اخطبها سكته وافاجئها واخليها كدام الامر الواقع..
طلعت من الغرفه امشي سريع.. امشي وسمعت صوت رهف وراي
رهف.. علي
علي.. نعم
_بقيت محتارة شلون احجي وشلون ابدي..
_ما تحجين عندي شغل مستعجل
_تكدر تأجل زواجك من نور كم شهر
_نعم وليش بالله
_تكدر لو لا
_لا تنسين نفسج فصليه انتي هنا لا اكثر ولا اقل فهمتي..
عفتها واكفه ومشيت دخلت الديوان لكيت عمي ابو نور كاعد هوة وابوي..
كعدت يمه احجي..
_عمي اني لازم اخطب نور وبأسرع وقت
ابو نور.. خير صاير شي
_لا مصاير شي بس ياريت نسويها سكته ومحد يدري من البيت ما اريد البنات يعرفن
_ان شاءلله
_نعقد باجر
ابو نور.. صار ابني باجر روح ونعقد ورة اسبوع وعرس
علي.. اي احسن لان اريد ابدي اقرة ما بقة هواي على الدوام
كعدو اهلي واتفقو باجر نعقد
علي.. عقدنه شيخ ورجعنه بدون محد يدري.. اجلنة العرس شهر لان نور ما قبلت مدري ليش متغيرة تحبلها واحد واني ما ادري
رهف..
صار شهر على جيتنة للناصرية ومحتاجة ملابسي وغراضي كلت خل احاجي بلكت يجيبهن واكلة على محمد اروح احاجي
علي.. كاعد بلغرفة اني ونور وندك الباب منو
- رهف
- دخلي شرايدة
رهف.. دخلت لكيت نور كاعدة يمة بلغرفة زين همة لا مخطوبين ولا مزوجين شلون يكعدون بلغرفة وحدهم خليت وطلعت ضجت صح ما يريدني ولا يحبني بس بلنهاية زوجي
أنت تقرأ
جمرة الزمان
Actionتمر الحياة بين: حلم وامنية ولا يحدث الا ماكتب الله لنا عيون تحلم وقلب يتمنى ورب كريم 🖤 سِأعٌدٍکْ وٌعٌدٍآ عٌرآقُيَآ ❤
