_عمة ما بيها شي حلوة وحتى مللكاهة وسلامها حلو _نطيهم كلمة _احنة شعلينة هذا مو اختصاصنة ابوي وعمي مرتضى من يجي يجون يتفقون اذا اخوج مقتنع
اسيا.. هسة شنو سهام.. خالة احنة اجينة وفتحنة الموضوع والبنية خوش بنية ما شاء الله ان شاءالله بس يجي اخوه من الجيش يمرون عليكم الولد وبعد همة يتفقون على الخطوبة والمهر اذا بنيتكم راضية
اسيا.. خالة رايدين رقمج وصورة لمنى اذا ما اصير زحمة
راحت المرة اجيب الرقم حطتة بتلفونها عمتي اسيا ودت الصورة على الواتساب
طلعنة من البيت عمة ما تخلينة نفتر من هذا الشارع نتمشة وناكل موطى البيت خنگة
اسيا.. خلينة نطلع من هذا لان هذاك لازم نعبر من يم الگازينو
رحنة من هذا الشارع اشترينة موطى وكعدنة جانت اكو حديقة مقابيل ابو الموطى كعدنة اكلنة وهنى يسولفن ويضحكن واني بعالم ثاني افكر واگول حياتي شراح يصير بيها ورة علي راح اكدر انسى واعيش راح اكدر اخلص من حجي الناس والله مدري يا رهف وين يوديج الوكت ما نگول غير الله كريم
