اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ابو حيدر.. فتحت الباب باوعت عليها لگيتها واگفه يم الشباك وحاطه راسها على الحايط جانت واگفه بكل شموخ وتحاول ما تكسر بس للاسف جان مبين على وجها مليان حزن عيونها بيهن خيبه امل وافراك اخر شي نزلت الدموع على خدها مسحتهن لحد هسه ما تدري بيه واگف ورة ضهرها _رهف باوعت لگيت ابوي وأكف _بابا من يمته هنا _توني اجيت شلونج _الحمدلله شعجب هنا _اجيت عدي واجب بلناصريه خلصته واجيت _هاا واجب شنو _ابن عمتي مسوي عمليه _اها يكوم بلسلامه ما تگعد ليش واگف گعد واني گعدت گباله _حيدر وين _عندة واجب بمدرسه مالت ولد _ها يمته يجي _هسه يجوز نص ساعه ويجي _كملتي شغلج _اي كملت بس متانيته يجي علمود نرجع جاي نسولف ودگ حيدر _الو ها حيدر _اگلج رهف اخذي سيارتج وارجعي _ليش جا شلون تجي _اني عندي شغله اتأخر _خوش سديته منه _شكو _حيدر يگول اخذ سيارتي وارجع عندة شغل _جا سيارته شبيها _عطلانه يمكن _جا خوش خلينه نروح اذا ما عندج شي طلعنه صعدنه سقت انه وصلنه للبيت طببت السيارة للبيت نزل ابوي واني بقيت شلت تلفوني قفلته وذبيته بسيارة نزلت رحت للغرفه قفلت الباب گعدت بلگاع مرتجيه على الحايط واني افتح شالي وابجي نزعته وشمرته بلگاع واني ابجي واشهك شنو مسويه بحياتي حتى هيج اتعذب شنو الاجرام الارتكبته يا الهي اذا جان امتحان لصبري اعذرني بعد ما اتحمل تعبت من كلشي كون وياي يا ربي وگومني على حيلي بقيت ابجي لحد ما حسيت اختنگت من البيت بعد ما بيه اتحمل سمعت امي تفتح بلباب _ولج رهف ليش قافله الباب _جاي ابدل شكو _جا ليش ما تغديتي _ما اريد شبعانه اكلت غادي _دفتحي خل اشوفج شبيج قافله الباب وگاعدة صاير وياج شي _ماكو شي ماما سمعتهة وهيه تحجي ويه ابوي _ولك قاسم مو جنت وياهه شبيها البت من اجت لهسه لا ترضه تطلع لا ترضه تاكل _عوفيها تعبانه من الشغل
بدلت وطلعت گلت اروحلي السيد اگعد بي افرغ النار البگلبي بلكت ارتاح فتحت باب الغرفه وابوي لا گاني _وين _هسه شويه واجي _غير نفتهم وين _شغلات اريد اشتريهه للشغل _ودي اخوانج _اني اريد اطلع _مو تتأخرين _اي طلع فتحت الباب مالت الشارع عمامي گاعدين برة واجت سيارات 2 مالت شرطه وگفن بابنه نزل العميد اجاني لان بلباب جان مفتوح واگفه _السلام عليكم _وعليكم السلام اهلا سيدي _ابوج موجود اجو عمامي يشوفون شكو _اي موجود ليش صاير شي _لا تخافين ماكو شي بس نريده بموضوع صاح عليه عمي علي وهوة يخزر بيه لان احجي ويا _رهف امشي طبي جوة طبيت للبيت رحت لابويه _بابا _ها شو رجعتي _هذا العميد مالت المركز الاشتغل بي بلباب هوة وضباط سألته شيريد يگلي عندي موضوع ويه ابوج _شكو خير ان شاء الله _والله ما ادري طلع ابوي واني بقيت بلمطبخ طبو بلاستقبال بيهم 15 واحد بقيت خايفه شصاير خليتهم يطبون وطلعت من البيت بقيت امشي بشارع لگيت حديقه گعدت بيها بقيت خايفه من جيتهم ضليت للمغرب رجعت مشي واني امشي دگ تلفوني شلته ابوي _وين انتي رهف اذن الاذان وانتي ماكو _رجعت جاي امشي ليش شكو _تعاي وتعرفين _شعدة العميد جاي _ماكو شي _الحمدلله عبالي صاير شي وجاي _لا ماكو شي بس تعاي بسرعه _تمام هسه اجي سديت التلفون ورجعت للبيت طبيت محد موجود بس امي باقيه _ماما جا بابا وين اخواني تحجي وهية ما راضيه _بلبيت مالت عمامج _يابيت _يا بيت بيت حمزة وعلي _ها تمام ردت انزع شالي وصاح مصطفى _رهف يگول ابوي خل تجي _خير شكو _ما ادري رحت ويا طبيت للبيت لگيت الاستقبال مگلوب عمامي واخواني وابوي وحتى الزغار ملتمه فتحت الباب وأشرلي ابوي اطبن يمهم طبيت وسلمت _السلام عليكم _وعليكم السلام اشرلي عمي مرتضى اگعد يمه بينه وبين عمي سجاد _خير ان شاء الله شعدكم ملتمين هيج حمزه.. اگعدي واسكتي _اها گعدت الاب.. العميد مالت المركز اليوم اجه يخطبج لعلي بلنسبه الي اني وافقت گدامكم كلكم وگدام رهف العندة اعتراض يحجي اذا ما رايدته احجي رهف حمزة.. والله يا ابو رهف الولد مابي شي هاي ثالث مرة يجي ويخطب والولد سنين ويانه ما يوم سمعت انه شي عنه بس هوة قبل زغير ما يگدر يسوي شي مرتضى.. احنه ماعدنه اعتراض لا عدنه ولد كبار وناخذهه خليها اشوف حياتهه هاي من الزينات بعمرهة ويشتغل وياهة تمم السالفه وردلهم الموافقه شگلتي رهف _بقيت صافنه ورة حجي اليوم يرجع وانفصالنه اذا يريد يخطبني ليش عافني اليوم شجاي يصير لا انوبه مودي العميد والضباط وابوي موافق ويحمدون بي بقيت صافنه ما ادري بعمي يحجي وياي _رهف مو جاي احجي وياج شبيج _ها شكو _شنو شكو موافقه لو لا الاب.. عوفها مرتضى متفاجئه نخلست هية موافقه اني ادري بيها گام طلع وطلعو ورا بقه حيدر گاعد گبالي اصلا ما شفته ولا ادري بي گاعد گاعده مصدومه _شبيج مصدومه رهف _ها _اليوم لازگه بل ها _شبيك حيدر _مبروك _على شنو _على الخطوبه _يا خطوبه _شبيج خويه شاربه حبايه _جنت موجود من اجو _لا توة گال النه ما ادري بلعميد جاي وانتي _ادري بي اجه بس ما عبالي على الخطوبه عبالي جاي يشتكي لو عليه لو عليك
رجعنه للبيت وابوي خابر عليهم وباجر يجون يحددون موعد الخطوبه لهسه ما مصدگه راح انخطب لعلي الشخص المتانيته ست سنين راح اصير اله معقوله ما جاي اتحلم معقوله حقيقه شگد اتمنى اعرف شنو شعورة اذا اني تلفوني شامرته بسيارة وتلفوني الخاص مابي حسابات اله ما افتح التلفون ولا احجي ويا وجان هذني 3 ايام الي اجازة اجو ثاني يوم واتفقو مقدم 5 ملاين و مأخر 10 ملاين ورة يومين الخطوبه بقيت انظف بلبيت وامي ما تحجي وياي وتعاركت هية. وابوي لان وافق كملت كلشي بقت الكوشه والبدله والصالون باجر الخطوبه واريد اروح اشوف الصالون اجت عمتي اسيا وحجت وياي _رهف تلفونج وين _ليش _قافلته _اي ليش _افتحي وردي على الولد كل ساعه جاي حاجي رهف حاجي رهف شنو مثلا تتعيقلين _اصلا قبل الخطوبه وقبل لايجون قافلته وشامرته بسيارة لان اجازتي وكل ساعه واحد داگ تعاي عدنه واجب قفلته _افتحي وردي على الولد خطيه صار يومين يفتر عليه _تمام ردت اطلع فتحت الباب واشوف اخوان علي حسن وسيف صاعدين بسيارة نزلو ونزلو جادر اجه حيدر شكو _مدري راح الهم _المن هذا الجادر سيف _ابوي يگول الاستقبال مالتكم ما يكفي ولا الطارمه وناس هواي عازم فا گال ننصب جادر بشارع _عليمن جادر نفتح استقبال بيت عمي _هوة لزگ اله جادر وناس هواي يجوز هم نفتح الاستقبال وين انحطة _حطه گبال الباب علمود الصبح انصبه
عفتهم ومشيت صعدت بسيارة فتحت التلفون وذبيته حجزت صالون وبقيت افتر بعد كوشه وبدله اريد ااجرها من الناصريه بس ما الحگ اروح طبگت السيارة ونزلت امشي بسوگ دگ تلفوني شلته طلع علي رديت علي فتحت الخط بدون ما احجي.. يتبع ••••
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
