اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رهف.. رحت طلعت اله ملابس اخذتهن للحمام دگيت الباب _علي هاك هاي الملابس فتح الباب وسحبني من ايدي ودخلني للحمام ويا _هاي ليش دخلتني _شبيج قابل صاحبج بقيت مخليه ايدي على عيوني واگف وبدون ملابس _ههه وخري ايدج يالله مو بس اني خليتج اشوفيني اني هم اريد اشوفج _ما گايلتلك طببني للحمام
شويه طلع من الحمام بقيت اني سبحت ردت البس ملابسي بس ما جبت صحت على علي _علي ولك علللي _وسم شكو اصيحين _هاي عليه _لا گلبي عليه شتردين _اريد ملابس شلون اطلع _تعالي اطلعي ماكو احد بلبيت غير حبيبج _علللللي _صوتج هسه اجيبلج راح جاب ملابس طلعت من الحمام رحت انشف شعري ردت امشط واخذ المشط مني گعد يمشط بشعري رحت شسورته وحطيت مكياج لبست فستان بقه يدك الباب راح شافه علي امه واخو جايبين غدة اجت باركو ومشو گعدنه نتغدة كملنه شلت الصينيه غسلت المواعين رحت العلي _علي اريد احجي وياك بموضوع بس مو اضوج _احجي شكو _خلينا نأجل سالفت الاطفال بعد سنه _ليش _والله ما الي خلگ هسه والوضع بناصريه كلش تعبان وراح ينشلع گلبنه _تمام حبي
صارت ب 3 العصر وبدت النسوان تجي وانوبه جماعت علي بقيت بس اسوي جاي والباب ما ينسد _شگد عندك جماعه ما تگلي _شسويلهم يا عمري غير يباركولي _عود هاي اول يوم عرسي من گعدت لهسه بس اسوي جاي واصب _يالله ميخالف حبيبي اخذ الجاي ومشه شويه وطبو اهلي كلهم حتى عمامي ما عدة حيدر وعباس باركولي وگعدو يسولفون ويقلدون ويضحكون وهاي السالفه مايبطلونهه
بس حيدر وعباس ليش ماكو حاجيت مصطفى بسكته _جا عباس وحيدر وين _حيدر زفوج منا وراح الكربلاء منا وعباس حابس روحه بلغرفه ما يرضه يطلع ومساع الظهر اهلج نصبولج عزة ورة الغدة حتى عمامج گامو يبجون خصا عمي مرتضى لگيته يبجي بطارمه هوة وابوي ورة ما زفوج _صدك خطيه _بس ترة اني بجيت همين _ههه خوش شعجب عبالي خلصت مني _لا والله البيت ما ينطب وانتي مو بي
طلعو اهلي بقيت ابجي وراهم بلگوة سكتوني وراحو دگيت على حيدر _هلو حدور مقبوله الزيارة _هلا بيج قبل اعمالج مبروك _الله يبارك بيك يوم الك شسوي بكربلاء كل شهر مزوج هناك وما ندري _ماكو مكان ثاني افرغ بي القهر والحزن والخنگه البگلبي _خير حدوري شبيك صاير شي _مختنك يا خويه مختنگ اريد اموت _اسم الله عليك احجي شبيك خوفتني _لا تخافين جاي احس بلشعور الجنتي بي وحدج ومحد يمج _احجي حيدر شنو بيك _ما اگدر اطب البيت وانتي ماكو مابي صوتج ولا ضحكتج متعود عليج ماكو وحدة تسد مكانج رهف ولا عدنه اخت غيرج اتعوض شويه _عمت عيني عليك تريد ارجع للبيت _شنو سالفتج رهوف شكم يوم ونتعود على فراگج گعدت على القنفه واني مختنگه من كلام حيدر بقيت ابجي وهوة يبجي ويشهك اول مرة اشوفه هيج يبجي كافي حيدر لا تبجي راح تخليني اعوف علي واجي _لا يروحي بس مو بيدي مختنگ _يمته تجي تباركلي بس انته وعباس ما اجيتوني _اليوم اطلع بليل _خوش تجيني باجر _صار راح اگعد على گلبج من اجي _هلا بيك سد التلفون بقيت ادگ على عباس ما يرد راحو جماعت علي جاب عشه گعدنه نتعشه حجه علي _حبيبتي شبيها عيونج حمر باجيه _لا ما باجيه طاح بيها مسكارة مساعه _لا جذبين ادري بيج بجيتي ورة اهلج _سكتت ما رديت علي
