جمرة الزمان

بارت 64

رهف..
بقيت ل 12 الظهر واجه علي
_مسكي نروح نشوف الغرفه علمود نرجع ب 2
_اوك خليني اگول الحيدر واجي
رحت گلت لحيدر واجيت
يالله نروح
_ترحين بملابس الشغل رايحه اداهمين النجار
_لا راح البس فوگاها صاية بسيارة
_خوش
_علي
_گلبي
_ليش ما نسوي الغرفه عد عمي حمزة
_صدك عمج نجار
_اي نجار
_جا خوش بعد شوي اجي واشوف الموديلات العدة
_تمام
_هسه خل نروح نشوف الكاونتر ونجي
رحت ويا بسيارته وصلنه اشترينه كاونتر طبگ على مطعم تغدينه ورجعنه للمركز ب ١ الظهر رحت الحيدر
_ها شو رجعتي من وكت
_لا الغرفه راح نسويها عد عمي حمزة
_شعجب
_شنو شعجب غير هوة نجار
_اي صدك هذا الاسبوع نزل موديلات كلش حلوة
_خوش
نروح لو عندك شغل
_لا اروح لان كلش تعبان
رجعنه للبيت ومرن الاسبوعين بلمح البصر واليوم الحنه مالتي ما ردت اسوي بس عماتي اصرن اسوي
كملت الحنه طبيت للغرفه اريد انزع البدله وصاحت وراي بت عمتي
_رهف اخوالي يردونج گاعدين بلطارمه
_شيردون
_يكولون خل تجي گبل لا تنزع البدله يردون يشوفونج
_تمام هسه اجي طلعت واني شايله البدله امشي طلعت بطارمه كلهم گاعدين گام يهلهل عمي حمزه لان هذا بكل عرس لازم يهلهل
ردت انزل من باب المطبخ ما اگدر لان المدرجات عاليه واني لابسه كعب اجه عمي مرتضى اخذ ايدي ونزلت
_اي عمي رهف وصارت عروس بعد راح نخلص منج
علي.. بعد ما يخليج تجينه الا شهر
سجاد.. بعد ما تنامين هنا وتاخذين راحتج لا گلبي راح يجي بأي وكت يگعدج وانتي شلون ما تحبين النوم
حمزة.. جؤ جؤ خطيه راح تروح عن اهلها وبعد ما نشوفج
_باوعت على حيدر يباوعلي وضايج وعيونه تلمع حسيت بيها دموع يريد يبجي وحتى ما حاجاني وعباس يباوعلي وعيونه تگلي لا ترحين
من حجيهم گمت ابجي وحيدر طلع بشارع وعباس طب الاستقبال
اجه ابويه يمسح بدموعي وباس راسي حتى هوة گام يبجي اجت عمتي سهام وگامت تصيح عليهم
_انتم ما تستحون خليتو البيت تبجي
اجت يمي وهيه تحجي
_شوفو خربتو المكياج عود تريد تصور ليش هيجي ما تخافون من الله
حمزة.. هيه صايرة حساسه زيادة عن الزوم وگامت تبجي شنسويلهه مثلا
_اسكت انته كل البله منك
اخذتني رحت وياهة واني ضايجه معقوله اخر يوم الي بهذا البيت معقوله اخر يوم انام بغرفتي ومحد ينام يمي من هاي اليله راح اعوف كلشي وراي اني جنت ما اتحمل اطلع برة البيت يومين وسبع شهور الخارج ردت اموت من البعد
شلون راح اگدر افارگهم شلون راح افارك اخواني راح اعيش بعالم ثاني شلون اتعود
مشت الناس كلهة وشفت حيدر فتح الباب وطب
_مبروك رهوف منج العيال ومنه المال
_من گال هيج گمت ابجي
اجه يمي وسد الباب گعد وهوة يمسح بدموعي
_هذا البجي المن يا روح اخوج مو انتي التردينه علي وهذا الانسان الحبيتي راح تعيشين ويا وتنسينه بعد مو
_كل ما يحجي ازيد بلبجي
گام يبجي وياي وهوة حاضني
_هيه هاي الدنيا خو ما نبقى عايشين طول العمر سوة هاذا امر ربج انتي تزوجتي اني هم راح ازوج وهيه تعوف اهلها مثلج لا تبجين المفروض تفرحين مو صح
_واني ابجي.. ايه
_يالله حبيبتي كملي غراضج ونامي باجر وراج هواي تعب
_راح وسد الباب ورا كملت الجنط ونمت واني ما اگدر اعرف شعوري شنو فرحانه لان راح اعيش ويه الانسان الحبيته لو ضايجه لان راح اعوف اهلي لو خايفه من اليصير باجر من الخنگه طلعت بطارمه الساعه ب 12 بليل بقه علي يراسل بس ما ارد لان كلش تعبانه مو مال اذب حرگتي بي وهوة فرحان واليوم حنته بقيت مجنبه
رجعت نمت گعدت الصبح نظفت البيت ورحت للصالون وامي وياي رجعت ب 6 العصر لان رحت متأخرة للصالون
صارت ب 7 بليل واجو يزفون طلعو عمامي وگفو بلباب وحيدر وياهم طب علي هوة واهله وابو يهوسون للبيت وجماعته برة
اجه باس راسي وابو هم اجه باس راسي لبست برنص واخذ ايدي وطلعنه بشارع لا اگدر اشوف بس اسمع هوسات الولد والسيارات السادة الشارع دخلني بسيارة واخو يسوق راد ابو يصعد بصدر وصاح عمي مرتضى وين صاعد ابوك علي خلي ينزل
_ليش
_نزله فوگ ما بتنه فوگ اصعد ابوك وحدة من عماتها لو امها تصعد وياهه
_خلي يصعد
_حمزة.. تنزله لا وعلي ارجعها هسه
نزل ابو علي صاح امي صعدت بصدر فتح الباب عمي لعلي صعد وسده اله بقيت متفاجئه من تصرفهم وحجيهم وگفتهم شلون واگفين دگول ضباط حسسوني بلفخر عندي اهل هيجي
حركت السيارة وهوة لازم ايدي ما هدهه نص ساعه وگفت السيارات بنص الشارع واجه ولد نزل علي صوته سامعته بس ما اذكر اخر شي عرفت هذا عباس الويانه بلمركز رفعت البرنص ولگيت الشارع عبارة عن ولد وضباط وسيارات بنص الشارع ويرگصون ونزل اخو ويا يرگص شايلينه على متنهم ويرگصون بعدين شحتهم المرور وصعدو ولان الناصريه بعيدة عنه بقينه ب ساعه ونص اله وصلنه
نزلنه من السيارة طبينه للبيت وجماعته يهوسون