"မင်္ဂလာပါ ဦးလေးကိုး"(Myanmar Translation)

Chaptet(22.1)လက်ထပ်ခွင့်တောင်းခြင်း

Unicode

Chaptet(22.1)လက်ထပ်ခွင့်တောင်းခြင်း

ဤသတင်းက နေသာသည့်နေ့တွင် မိုးကြိုးပစ်ချသည်ထက် တစ်ပြားမှ မလျော့ပေ။ စေ့စပ်ကြောင်းလမ်းခြင်းက ကလေးကစားစရာမဟုတ်ချေ။ လက်ထပ်ခြင်းဆိုသည်မှာ မျိုးနွယ်နှစ်ခုကို အတူတကွပေါင်းစည်းခြင်းဖြစ်သည်။ ကျင်းယုံအမတ်မင်းအိမ်တော်မှ လာရောက်ကမ်းလှမ်ခဲ့ပြီးနောက် ရုတ်တရက် ဖျက်သိမ်းခဲ့သည်၊ ဤသည်က အမုန်းတရားကို ဖြစ်စေခြင်းနှင့် ကွဲပြားခြားနားမှုမရှိချေ။ မိသားစုနှစ်ခု ကျောခိုင်းနေလျှင်ပင် တော်လှပြီကို ဟော်ချန်းယွမ်က တစ်ကယ်ကြီး နောက်ထပ်လက်ထပ်ခွင့်လာတောင်းသတဲ့လား?

ဒါ့အပြင် ဒီတောင်းရမ်းခံတဲ့လူက ချိန်ယွီကျင်၏ညီမငယ်၊ ဒုတိယသခင်မလေးချိန်ယွီမော်တဲ့။

ဒါက ကြီးကြီးမားမား အရှက်ခွဲခြင်းတစ်မျိုးပဲ၊ ချိန်ယွီကျင်၏အစေခံမိန်းကလေးအားလုံးက ဒေါသကြောင့် တုန်ရီနေကြတယ်: “ဒီ....ကျေးဇူးမသိတတ်တဲ့လူယုတ်မာကတော့! ကျွန်မတို့မမလေးနှင့် ဒုတိယသခင်မလေးက ညီမအရင်းတွေဆိုတာကို သူ မသိဘူးလား? တစ်ဝမ်းကွဲတွေဖြစ်နေရင်တောင် သူက အစ်မနှင့် ညီမကို လဲရဲသေးတယ်။ အကြီးဆုံးအိမ်တော်ခွဲက ကျွန်မတို့ သခင်မလေးကို မွေးစားထားတာပဲကို၊ ဟော်မိသားစုက ဒီလိုလုပ်တယ်၊ သူတို့က ကျွန်မတို့ သခင်မလေးကို အရှက်ခွဲချင်တာလား?”

တုရော့က တည်ငြိမ်၍ စကားကို သတိထားပြောတတ်ပေမဲ့ ရှုံအန်းခန်းမဆောင်မှ အခြေအနေကို အဘွားကျိန်းထံမှ ကြားလိုက်ရချိန်တွင် သူမလည်း ဒေါသထွက်သွားခဲ့သည်။ “ဟော်မိသားစုကို ကျွန်မတို့ကို တော်တော်လေး အနိုင်ကျင့်နေတာပဲ! စေ့စပ်ပွဲကို အကြောင်းအရင်းမရှိဘဲ ဖျက်တယ်၊ ကျွန်မတို့ သခင်မလေးရဲ့ ကြိုးစားပမ်းစားလုပ်ထားသမျှတွေကို ဖျက်စီးပစ်တယ်။ အခု သူတို့က မျက်နှာပြောင်တိုက်ပြီး ဒုတိယသခင်မလေးကို လူကြီးလူကောင်းလို လာတောင်းနေတယ်။ ဘာလို့ တံခါးစောင့်က သူတို့ကို မောင်းမထုတ်ရတာလဲ!”

ချိန်ယွီကျင်က အရမ်း တည်ငြိမ်နေသည်။ သူမက ခပ်ဖျော့ဖျော့ပင် ပြုံးလိုက်သေးသည်: “ဒီလောက်အကျိုးအမြတ်က သိသာနေမှတော့ အဘွားက ဘာလို့ ဟော်မိသားစုကို မျက်နှာလွှဲမှာလဲ? ငါ့စေ့စပ်ပွဲ ဖျက်လိုက်ကတည်းက အဘွားက ဟော်ချန်းယွမ်လို အထောက်အပံ့ကောင်းကို ဆုံးရှုံးလိုက်ရလို့ အမြဲနောင်တရနေတာလေ။ အခု သူတို့မိသားစုက နောက်ထပ်လက်ထပ်ဖို့ လာကမ်းလမ်းနေပြီ၊ အဘွား ပျော်နေမှာပေါ့။ ဘာလိုလုပ် သူတို့ကို မောင်းထုတ်ချင်မှာလဲကွယ်”