Unicode
Chapter(6.2)
သခင်မကြီးချိန်က သူမမြေးမ၏ စေ့စပ်ကြောင်းလမ်းမှု ဖျက်သိမ်းခြင်းကို မနက်စောစောတွင် ကိုင်တွယ်နေခဲ့ရ၍ ယခု စိတ်အခြေအနေဆိုးရွားနေသည်။ အစေခံမလေးက သတင်းပို့လာသည်။ "သခင် ၉ နှင့် အကြီးဆုံးသခင်မလေး ရောက်နေပါတယ်"
သခင်မကြီးချိန်က ဤသည်ကို ကြားသောအခါ သူမ၏ နူတ်ခမ်းစွန်းက သိသိသာသာပင် ညွှတ်ကျသွားသည်။
ချိန်ယွီကျင်က သခင်မကြီး၏ အခန်းတွင်းသို့ စိတ်ဖိစီးမှုအပြည့်နှင့် ဝင်လာသည်။ မိန်းမသားများသည် အိမ်အပြင်မှ ကိစ္စရပ်များကို မမေးမြန်းနိုင်သကဲ့သို့ ယောင်္ကျားသားများသည်လည်း အိမ်ဝင်းတွင်းမှ ကိစ္စရပ်များတွင် ဝင်ရောက်စွက်ဖက်နိုင်ခြင်း မရှိပေ။ သခင်ကြီးချိန်သည် ရီချွမ်းအမတ်မင်းအိမ်တော်တွင် ဩဇာအာဏာအမြင့်ဆုံးဖြစ်သော်လည်း ချိန်ယွီကျင်အတွက်မူ သူသည် သခင်မကြီးချိန်နှင့် ချင်းဖူကျွမ်းကျူလောက်ပင် သြဇာမညောင်းပေ။
ချိန်ယွမ်ကျင်းသည် ချိန်ယွီကျင်၏ ပြောင်းလဲမှုကို သတိထားမိ၍ မျက်လုံးတစ်ချက်ဝေ့ ကြည့်လိုက်မိသည်။ အတွင်းခန်းထဲ ဝင်ရောက်ပြီးကတည်းက ချိန်ယွီကျင်၏ ကြောက်ရွံ့မှုက မြင်သာလာသည်။ သူမ ပြုံး၍ အခန်းထဲရှိ အမျိုးသမီးအကြီးများကို တစ်ယောက်ချင်းဆီ အရိုအသေပေးလေသည်။ "အကြီးဆုံးမြေးမက အဖွား၊အမေနဲ့ ဒုတိယအဒေါ်တို့ကို ဂါရဝပြုပါတယ်"
ချိန်ယွမ်ကျင်း၏ နူတ်ဆက်ခြင်းက ပို၍ရိုးရှင်းသည်။ သူက ခေါင်းညိတ်ရုံပင် ညိတ်ကာ ပြော၏။ "အမတ်မင်းကတော်ကို ကျန်းမာရေးကောင်းဖို့ ဆန္ဒပြုပါတယ်။ အကြီးဆုံးမရီး နဲ့ ဒုတိယမရီးလဲ ကျန်းမာရေးကောင်းဖို့ ဆန္ဒပြုပါတယ်"
ချိန်ယွမ်ကျင်းတွင် အရာရှိရာထူးရှိ၍ အချို့သော အစေခံကောင်လေးများကပင် သူက စတုတ္ထအဆင့်ထိ တိုးမြှင့်သွားကြောင်း ပြောကြသည်။ ဆိုရိုးအရ အရာရှိတစ်ဆင့်မြင့်သူက နိမ့်ကျသူကို နင်းခြေသည်။ ချိန်ယွမ်ကျင်း၏ ငယ်သေးသော အသက်အရွယ်ကို စဉ်းစားကြည့်ပါက သူသည် ပို၍ပင် ကြောက်လန့်စရာကောင်းလှ၏။ ထို့ကြောင့် ချိန်ယွမ်ကျင်းက သာမန်ကာလျှံကာနူတ်ဆက်သောအခါ သခင်မကြီးချိန်၏ အမူအရာက အနည်းငယ်ပင် မပြောင်းသွားချေ။ သူတို့၏ ယောက္ခမက မကျေမနပ်ဖြစ်ပုံမပြသောကြောင့် ချင်းဖူကျွမ်းကျူ နှင့် ရန့်ရှိတို့လည်း ဘာမှမပြောနိုင်ပေ။
أنت تقرأ
"မင်္ဂလာပါ ဦးလေးကိုး"(Myanmar Translation)
أدب تاريخيChapters-144+2(extra chapters) Genere-Drama,Josei,Romance I have permission to translate this novel from original english translator.
