مُقيده بأصفادِ الثأرِ

البارت الثالث

: لا فرحنة ،ولا لگينه عيون
تستاهل بچينة
مدري صوچ الناس شيبنا بـ
زغرنة.
مدري صوچ گلوبنة الكلش
حنينة !
________<<<>>>_________

الدرب كله واحنه جن ماشين للموت برجلينه
اهيس الموت منتضرنه غاد
مثل البايع رويحته

وصلنه وجان المفروض ننزل عد واحد يصير طباب خير طرف ثالث بين العايلتين

نزلنه ورحبو بينه جان حجي  مهاوي
رجال خير والناس تاخذ شوره وحجايته رزنه وتعدل

الخوف دب بعضاي عد ما وصلنه هناك
اجو اهلي واهل عدنان

جاعده صوب الحجيه حرمه الحجي وهي تطمن بيه
فد انه عكلي اهيسه وكف
اسمع صوت ابوي وخوتي ومهاددهم
وصوت عدنان واهله

لهناك وصاحوني كالو تعالي دخلي مامش غريب دشيت للديوان
جرني اخوي حيل وخذاني
عيني على عدنان الي كام بساع ويهادد بخوي

-انتم شمالكم جاي اكلكم الحرمه صارت حرمتي ملچت عليهه

-هاذ الحجي مايمش عدنه
حجي مهاوي انطيناكم الامان وكنالكم البت ماناذيه
فد لهنا وخلصت البت بتنه وترد عدنه

-بويه اتهدو
وانت عدنان يمت ملچت عليهه

-حجي مهاوي انه ملجت عليهه من وصلنه لبغداد
وعندي شهود خالي وصديجه

التفت  حجي مهاوي لاهلي

-بوي البت يكول ملج عليهه وبهاي الحاله هي حلاله

وانت عدنان تم زواجك منهه دشيت عليهه

-لا حجي مادشيت فد ملجت وخليتهه
يعني حلالي مو من حكهم ياخذوهه هيج

-لا اشو ناخذهه وتطلكه احسن الك
ليش تخلينه نطيهه لغيرك وهي على ذمتك

-بسكم انتم اخذو بتكم وروحو وانه عندي كعده وياكم
هيج ماتنحل

اخذوني اهلي اهيس روحي تنباك مني
خذوني سحل وركبوني بالسياره
الدرب كله يتوعدون

وصلنه زتوني بنص الحوش وكضو بيه التوبه
ماعرف منين تجي الضربات
نهوني نهي لما خلوني
والدمايه بكل كتر تخر مني جروني كوه من ايدهم .
خذوني بساع للحجره
واسمعهم يتوعدون ليه ويجتلوني
تالي كالو ودوهه للديه تكشفهه وتشوفه معرسه يو لا

عادين شني كاعده اختي وتمسح بدمي وانه اشهك

نار موجره بنص افادي
اكتل  روحي يو حرموني من عدنان
انه هيست روحي وياه الي قيمه وشغله غاليه حيل

طبت امي وياهه مره جبيره كالولي هاي الدايه
خل تكشف عليج

-يمه شني تكشف شمالكم
فزيت من مجاني اتنوع بوجوهم

-خايبه بسج فوك شينج ولج صلفه خل نشوف صخامج

-يمه ماتكشف علي شني شمالج صخاميش
ماسوالي شيء ليش ماتصدكون