الحياه لعبه .
تريد الذكي الي يلعبهه صح
تخلينه بوسط متاهات تطلع منهه انت وشطارتك
لو ستخدمت سلاحك الي بايدك راح تطلع منهن بسلام
واني سلاحي جان عقلي .
استخدمت كيدي واخذت بنصيحه الي كالي
بايدج سلاح قوي عندج كيد نساء...
جنت واعيه على كلشي واعرف كلشي
بس اختاريت اتصرف بلا وعي .الطريقه الوحيده
الاكدر ااذي الاذوني
ماجان عندي غير حل
اشوف الخوف بعيون خواتي .ينكسر خاطري عليهن
بس ماكدر اكلهن اني مثل مااني صاحيه وواعيه
لو كلتلهن انه مابيه شيء راح يتصرفن طبيعي
وما راح يشوفون الخوف بعيونهن
جذبت الجذبه ومشيتهه على الكل خاطر اكدر اتحرك براحتي
وصلوني لهل مرحله .
كل ما اشوف روحي بالمرايه اصر على اخذ حقي منهم
بس بعد الصار بعد مااخذوني لكربلاء
انهاريت وكل قوه عندي انسلبت
حسيت روحي رماد
انهاريت ابجي حسيت روحي طفله وشافت اهلهه
شمرت روحي بضريحه مثل اليشمر روحه بحضن حنين
هيج حسيت
وصوت بداخلي يحاجيني جن يكلي مو ثوبج الجاي تسوي .مو انتي مو مبادئج مو ثوبج شذنب خواتج
-شمرت روحي بضريحه وانحب وابجي بجي الروح المحتركه
بحيت بصوت وحجيت بصوت وحده كاتمهه قهرهه وهسه انفجرت وكتله مولاي انهضمت وانضلمت
وحالي مايرضى بيه الكافر
ترضى مولاي انه هم سبيه هم بلا اهل
وانولو عليه .ضلموني مولاي واذوني
طعنو شرفي وعاقبوني بلا ذنب
ترضالي مولاي هيج يصير بيه
ملكوت تبجي بصوت ويايه وحاضنتني حيل واني بالكاع كاعده وابجي
نسوان تمشي وتمسح على راسي وتبجي وي حالي
دنكت راسي بتعب جن هموم الدنيا كلهه بحضني
مدري منين ادير العين وارتاح
السوالف نوبات تغدر ماتطلع
وانه سوالفي تحجرت بنص صدري
الحجي يثكل عليه
بقيت مدنكه ودموعي تنزل هي تسولف بدالي
تشرح كل اذيه تعرضت الهه وعشتهه
تسولف كل موقف وكل دمعه نزلت مني
رفعت راسي بتعب شفت ملكوت صافنه عليه وتبجي
اتقربت عليه حضنتني حيل
-خيتي رجعتيلي يبعد امي انتي شحجي شكول لو خاسرتج الف الحمد لله ياربي الف الحمد لله
-ماجانت عندي طاقه احجي ولا وجه
احس خجلانه منهه من شفت دموعهه وقهرهه
شلون اواجهه بالحقيقه
دنكت راسي وضليت ساكته لهناك وكالت عمتي يلا نطلع هسه نلكه الولد منتضرين كومتني ملكوت
صدك هالمره احس محتاجه احد يسندني مهدود حيلي من السوالف البكلبي
جسمي ثكيل وعضامي مابيهه تحملني
جن عضم يكل لعضم لا تنتجي عليه .
أنت تقرأ
مُقيده بأصفادِ الثأرِ
Romanceلكل منا حلم واهداف احكام عشائريه واعراف،.. ماذا عن فتيات يؤخذن من احضان امهم تحت مسمى العرف العشائري
