مُقيده بأصفادِ الثأرِ

البارت-31-

شبينه حظنه ويه النحبهم ..
مآ كعد مثل البشر ؟؟
وشبيه من أشتآك الآگي ،
الدنيه ليل بـ نص كُمر !!
________<<<< >>>>__________

وي فتحه الباب احنه بعدنه بباب المطبخ طبو اخوان رسل واحد سلاحه بايده ويصيحون

وينههه ضامهه يمك قصي وينهه
اليوم نطشر روسكم ونسبح بدمكم

كلنه نرعبنه من المنضر قصي طلع عليهم مصدوم

-شصايررر حسين شبيك شلون تجي بنص بيتي تهادد

-قصيييي رسل وينه طلعهه هسه

أرسل وشجابهه يمي شعدهه

-لا تغشم روحك رسل نهزمت وانت تدري
عايفه تلفونهه وقرينه كلشي وعرفنه راجعين سوه ولهل سبب ماترضى تتزوج الجايهه

طلع رسل وسلمه النه وحسابك ياقصي حيل ثكيل

-احترررم نفسك ولا تهدد وانت بيتي
رسل مادري بيهه وينهه ولا عندي علاقه بيهه
راحت وطلكته وهي تراسل وانه مارد عليهه چا شعدهه يمي بعد
حسين وحق علي اله اكاومكم على سالفتك

-مهند ومازن يتراددون والصياح عالي
ويردون يفتشون كبو بيهم الولد وهم صايرين نار من الاعصاب

-بناتنه ونسوانه شنو نطببكم عليهم شوفو
بتكم وين بعيد علينه لا واصله يمنه ولا نريده

-يصير خير قصي بس كون اشم ريحه الك يد بالسالفه

-لا تهدد ولا تزامط وانت فارغ
اختك مو يمي وهمزين طلكت وخلصت من هيج وحده شتتوقع من وحده دربهه سحوره واعمال ،،،

ودوستك لبيتي وانت تهدد وبسلاحك هاي اكسر ضهوركم بيهه حضرو عمامكم ويلا براااا

ضلو يخازرون واحد يريد يسطر قصي بالسلاح ولزمه اخو وولدنه تخبلو صارت بينهم مدافع وناس تريد تكتل ناس وذولاك مسلحين رعب ذولاك نسحبو جرهم حسين وراحو وهم يتحلفون اذا شافو رسل هنا

طبينه واحنه بحاله الصدمه بعدنه
شنو رسل ماكو وين ختفت شنو نهزمت

قصي مصدوم شلون هيج فتر عليه الموضوع
الولد يتحلفون على الاجو
وعمتي تدك على رجلهه خايفه

مازن: قصي هاي راح توكعك ببليه

-ماعندي شيء وياهه والله واصلا مادري بأي شيء عليه

-هم اخذ حذر ترا السالفه براسك ماسمعته يكول شايفين رسايل بينكم

-هاي الرسايل عندي فوك
هي التحجي وهي الي تبادر واني جنت افشلهه واصده والدليل هسه مشكلتي وي اساور بسببه

-التفت مازن الي
سوولنه جاي روسنه صارت منخل.

خليت القوري عالنار سويت جاي وي ما قدمته الهم رجع اندك الباب دكه قويه وسريعه