مُقيده بأصفادِ الثأرِ

البارت التاسع

اني بعمر الورد بَس ورود ذبلانة
اني بروحي غصن ذبلان
وتكلي الناس حليانة،،،،

_________<<<<<>>>>>___________
اساور

نزل دم منهه وهي خايفه واحنه نصدمنه
عمه فوزيه عاطت بسرعه ولطمت

-ولج يمعزايه شوكعج شبيج

-مادري مادري فد ضهري يوجعني

-ولك حساااام تعال انزل بسرعه

نزل حسام على صوت امه مخترع

-شكوو شبيكم

-البنيه وكعت من الدرج وتنزف بسرعه بدل خل ناخذهه

-انخبص حسام وعمتي واحنه بسرعه لبسناهه خايفين عليهه هي خل يوكع الفرخ ودعيت كون يطيح الفرخ
وجهه صار ليمونه خايفه هي مانزفت هواي فد ثوبهه من وره طكع دم
طلعو بيهه للمستشفى واحنه ضلينه نناطر

اجه قصي يسال وين امه ردت عليه رسل

-يسر وكعت ونخبصو عبالك ولي العهد راح يروح

-لااا وخوما الطفل بيه شيء

-شمدريني اوووي عساهم

-شوي اسلوبج عدلي ترا هذا الطفل شذنبه يصير ابن اخويه

-هو الحظ ينطي للكحـ***

-كاافي سكتي

خابرهم قصي كالو بعدهه جوه يم دكتوره

بقينه ننتضر وخايفين على اختنه وره ساعتين رجعو

هاا بشرو

-الحمد لله الطفل مابيه شيء بس وضعه شوي تعبان لازم تنام ماتتحرك الجاره مال طفل متقدمه

اساور -يعني ماطاح

عمه فوزيه-اسم الله مابيه شيء ونوب سمعت صوت كلبه يما فدوه لكلبه

-اعاين على يسر فرحانه بالطفل
وتسولف على صوت كلبه .
عرفنه هنا انزرعت بيهه غريزه الامومه
بقت نايمه بحجره عمتي ماتصعد ولا تتحرك فد نايمه كالو 10ايام ويردون ياخذوهه ويشوفون

حسام خايف على الطفل نوب سمع من امه وهي تسولف على صوت كلبه

-يمه يعني يدك يدك

-يي يمه يدك حاله حال كلبك

-زين كامل يمه هسه

-لا بكد اصابيعك بس كلبه وعقله موجودات

عمتي تسولف لحسام حته يحب ابنه ويلين كلبه عكب ماجان مارايده ويريده يطيح

بهاي السوالف جان قصي عيونه تعاين بحزن
وهو يسمع حجي امه عالجنين

قصي صارله فوك السنتين متزوج مايصير عده فرخ
حارت رسل شعملت وسوت ماجاي يصير

رسل عكب ماحست قصي متقرب علي مره ثانيه
سوت مشكله وتعاركت وياه بنص البيت