مُقيده بأصفادِ الثأرِ

البارت -21-

: هَذا أنة ، شيّشة عُطُر
جَربني مِن أنكِسر ؟
بَس طيّب مِني يصُب
" بَس فنّك تِلمني
_______<<<<>>>>_______

، التفتنه على دكه الباب وعلي جان مرتبك وعينه علينه وعلى الباب مسح وجهه وصاح منوو

اجا الصوت جان رجال طلعله علي وطلع رجال يريد يصعد على تيل اليم بابنه وجاي يستأذن

طب علي وجر نفس ابتسم بوجهي
التفتته على امي ونبوس بيهه
تالي هي شبكتنه وحده وحده وكامت كالت انه اروح لا يجي احد

وكفنه كلنه نبجي ونحضن بيهه منريد تروح
وهي تبجي وتمسح بدموعنه وتبوس بينه كوه سحبت روحهه من عدنه وطلعت بدون ماتلتفت علينه طلع علي وراهه ضلينه احنه نبجي ونصيح باسمهه

طب علي يمسح بوجهه ومقهور ويباوع علينه

انهيار بالمشاعر صار عدنه
شوفتهه بدال ما تريحنه فتحت جروحنه ونترست ملح

طبينه للبيت ودموعنه تجري كال علي وهو ورانه

-الصار خلو بيناتنه لا تجيبون طاري لاحد

التفتت عليه
الله يوفقك ويحفضك كلش اشكرك

-لا بالعكس تدللين المهم ارتاحيتو من شفتوهه

-نزلت دمعتي وسكتت

-الله كريم اساور ماكو شيء يضل على حاله

-هزيت راسي وطبيت
وره شوي اجت عمتي وهي شايله غراض
الي فهمنا علي دازهه للسوك يكله جماعتي راح يجون عالعشى بسرعه حضريلي سوالف دولمه ودازهه تجيب

ومن جتي كالهه مراح يجون غيرو رايهم ضاله عمتي تدردم عليه وهم كاتم ضحكته

بيومهه جروحنه انفتحت
دموعنه ما سكتت واعتزلنه الكلام
عمتي نتبهت علينه من سالتني كلتلهه تذكرنه امنه وبجينه
بقت ساكته ماحجت

لليل واجه مازن سلم على امه وكعد شويه وصعد فوك
صاح على ملكوت
ارتبكت وصارت صفره ماتعرف شتعمل
نوب راحت للحمام وصعدت فوك

ضلينه نجهز العشى بس كل وحده شارده بزاويه تفكيرهه كملنه العشه وكضينه كلشي وصعدنه لغرفنه
صرنه ننام بس انه وزينب بيهه

بقيت اتكلب بفراشي الصار اليوم مايرضى يطلع من راسي

فزز شكو بروحي جرح نايم

ابد ماتوقعت راح ارد واشوفه واشم ريحتهه
بس جيتهه ماريحت كلبنه لجمتنه فوك لجماتنه

حسيت روحي اختنكت والنفس مايرضى يترس الريه
نزلت وكعدت بالمرجوحه وعيني على النجمات

فززني صوته وهو يشعل الجداحه ويورث جكارته
ويتمشى باتجاهي

-شو كاعده

-النوم حارب عيني

-تفكرين

-وشنو الجديد ما انه حته بنومي افكر