مُقيده بأصفادِ الثأرِ

البارت-28-

كُلشي بية يبوسك
من اتلاكَة بيك
الࢪجفة البࢪوححي
من اشوفك تنتهي
بلمسة من اديك .

_______<<<<>>>>________

بقو مخبوصين يردون يكعدون بيهه كعدت تون وتبجي
وصلت مرحله كامت تدعي على حسام
مازن خابر حسام وتعارك وياه بالتلفون صارت خبصه
وبعدين كلمه راح لبيته وغرفته
بقيت اني الي لاطايله سمه ولا كاع

افتربالبيت مثل طير المذبوح روحي مفرفحه ومتروسه قهر
المن احجي واشكي تعبت حته من الحجي ...

______
جوريه..

الدكتوره الاشتغل عدهه كالت مستشفيات جديده ببغداد
ليش ماشوفلج هناك شغل
كتله الله وايدج بس ضلت سالفه اهلي شكللهم
وانه حتاجيت الروحه
صعبه عضمك يثكل على اهلك
وحملك يصير ثكيل عليهم

حجيت وياهم فد جانو رافضين اله ما كالو اخذي وياج
عمار شغلي وياج وروحي

عمار ابن اخوي الوسطاني
شافتلي شغل بمستشفى على معارفهه ورحت هناك بتت بفندق بالكاضميه لحد ما لكيت شقه زينه شايله روحهه
اهم شيء اجارهه زين
شتغلنه اني وعمار بالمستشفى هو اشتغل وي مطعم يم المستشفى واني انضف بالمستشفى

وهيج بدينه اول ايام شغل دفعت شهر اجار مقدمه
وماخذت غير فراش ومبرده وسلات للهدوم
جان اكلنه لفات ماعندي طباخ ولا مطبخ

كلت كله يجي فد اثبت رجل هنا

بديت اروح وارد وي عمار علي يضل بالشقه يلتهي اخذتله تلفون
شفتلي شغل ثاني بعياده مال دكتور اسنان همزين مايفتح يوميه يومين بالاسبوع
لان دوامي بالمستشفى شفتات
جان يصادف يوم العندي عياده همزين ماكو مستشفى
تالي خليت للدكتور جدول على موعد اجازتي
وهو ماعارض خطيه وغيرنه ورقه الجدول مال تفتيح العياده
رمضان وتعب وحر بس جنت اقاوم واتحمل
وراي علي ومحامي وعدنان هذول لازم اقاوم خاطر
اكمل البديته ...

بسـ  آثاري الوكت ضاملي ضميمه ....
______
ملكوت...
مر على شهر رمضان عشرين يوم تقريباا
ووضعي اتحسن شويه عالعلاج
ومازن يجي واني اتجاهل وجوده .دست على كلبي
وقسيت روحي

اختاريت البعد حتى لو على حساب كلبي
بس كرامتي ماتتحمل بعد ذل .انداسيت هواي
رخصت نفسي بما فيه الكفايه

جنت دائما الطرف المضحي الي يتنازل
لحد ما ضن اني بلا مشاعر ولا احساس ...