مُقيده بأصفادِ الثأرِ

البارت-20-

: حيل بينه احنه ضيعنه العمر من بين ادينه
واحنه تانينه القطار ومامشينه
بلكي شي منكم يجينه ردنه ننسى اومانسينه
ردنه نبچي او مابچينه اوتتعب اوتحجي عليمن

_______<<<<<>>>>>________

حضري روحج الغرفه راح تفرغ الج تصير مالتج

-مافهمت شني يقصد وشدايكول
كتله شنوو مافهمت

جاوبتني عمتي
-مازن راح يعزل بعايلته ببيت وانتي الج غرفته تضل
بعد هو يعدل بينجن ويقسم

-صفنت بوجوهم ماعندي رد عالكالو
بس هواي حجي بيه .ماكدر اطلعه
عفتهم وطلعت من الصاله امشي بلا وعي
بس واعيه .ساكته بس اسوالف بداخلي هواي
يعزل بعايلته !!

يعني يأسس بيت واسره ويستقرون
زين وانه !!

هالسؤال دوم يترادد بمخي انه شنوو
موقعي شنوو حياتي عنده شنوو

مالكه جواب غير انه مركونه بزاويه
مثل القطعه القديمه بالبيت تنشمر بفد مكان متروك
لان غير صالحه للاستخدام

هيج جنت اشوف روحي
بكل مره اقوي نفسي وانسحب بس ارجع ارجوع لنقطه البدايه
واضعف كدامه .وانه ادري هو من قرر يشيل ويعزل بعايلته خاطر يريحهم وانه عود اضل هنا

كعدت على دجه الدرج صفنت بزماني فززني صوت مازن
رفعت راسي شفته واكف ويباوع علي

-شبيج شنو مافرحانه !!

-وعليش افرح !

-يعني راح تستقرين ويصيرلج غرفه ومريم ماتسويلج مشاكل بعد وما تضل تلاحكني

-انت ليش قررت هيج

-يعني شفتي الصار البارحه .
ملك تدرين انتي مريم شكد تغار خصوصا من شافتني وياج اكثر من مره صارت تراقبني وتفتر وراي حته من اسبح
اني بعد الصار البارحه قررت اعزل بيهه وعالاقل تبطل تغار وتفتر وراي .

-وشلون لو جيت هنا

-ماراح تدري شوكت اجي

-هه يعني ماسوينه شيء
هم تضل تحسب خاف تعرف اجيت وخاف تشك

عفته وطلعت من الدرج
بلشو يدورون بيت وره ايام لكو بيت طابق ثاني يبعد ربع ساعه من بيت اهله
اشتره اثاث بيت كامل كله جديد
طلعت مريم بطرك هدومهه وهدوم جهاله
حته الغرفه ماخذوهه رادت غرفه نازل موديله جديد
يسموهه تركي
طلعو بيت مازن من عدنه وفرغ البيت
وفرغت روحي وياه

جان البيت بيه حس .
هسه ماكو مازن اخذ عايلته
قصي طلك حرمته وصار زين ورجع لدوامه مهند هم عنده امتحانات رجع اخر سنه هاي ويتخرج
حسام ياخذه الصبح ويرد بالليل مايدري بالدنيا

عمتي ونسهه الوحيد رضاوي ابن يسر
خواتي كلمن شايله همهه شكل

كل وحده تصفن بزاويه وتعتزل الكلام بس بداخلهن
اسمع صريخ
ماشفنه الراحه ..بنات عدنان جن انكتب على كصاصهن بس للضيم مخلوقات