مُقيده بأصفادِ الثأرِ

البارت-29-

الشوغه الِ بصوتي سوالَف
شرد اكلُك
ضاع كُلشي
وضيعَتني
وكونك تحبني صَدُك
چـا دورتني ..

________<<<<<>>>>>________

عيوني على كل حرف بالرساله ..
اريد اجذب الجاي اشوفه والاقراه

ايدي ترجف وكلبي يريد يطلع من صدري
بهاللاثناء صعد هو جاي يريد يحجي وياي شاف وضعي
انتبه التلفون بايدي بقه مصدوم
رفعت التلفون وانطيته اله فتحه وشاف
عرف اني دريت
غمض عيونه حيل ودار وجهه يتأفف

اساور سمعي ....

-اسكت اسكت ماريد اسمع شيء

-اكفي والقران مو مثل الي ببالج باعي راح اطلعلج الرسايل

-رساايل قصي يعني حاجيين هواي يعني اني الثوله
الجنت مجفيه على وجهي
بس حاجيني شنو الرساله هاااي الاجت هسه

-اهدي واحجيلج شلون راح تفهميني وانتي هيج ترجفين

-شنووو هاي الرساله قصي
البارحه وين جنت انت جنت يمهه مووو

-اساااور كعدي خل احجيلج

-جنت يمهه تكولك من رجعت اتذكرت ايامنه

-ييي جنت طالع وياهه ،،،،

-لحد اخر لحضه واني اكذب بروحي واكول هسه
يحجيلي يجوز اكو سوء فهم يجوز بالغلط ....

انطي بعقللي مبررات مو مقنعه بس احاول اصدكهه اكول ميسويهه

حجايته وكفت كل توقعااتي
عقلي وكف عيوني اتركزت عليه الهوا انحبس بصدري

اتجمدت بمكاني

-اسمعيني وبعدين احكمي

-ماريد ماريد اسمع كلشي ماريد

انت تحبههههه تحبهههه ليش عفتهه ليش خليتني اتعلق بيك
ليش انطيتك كلبي وكلبك يمههه ليشششش

كاافي الشفته منك كلش كااافي
بس انت ماكفاك كملتهه على كلبي وكسرته ...

-حبيبتي اسمعي مني لا تحكمين بكيفج

-ماريد اسمع كلششي
تذكر من كتلك خايفه من هذا اليوم!!!!

شسويت طمنتني وامنت كلبي
وخليتني احبك واتعلق بيك تالي شعملت بيه
وكعتني من سابع سماا قصي

امنت روحي يمك وانت نحرتهه

طلعت بسرعه من الغرفه
لايبه مثل المحتركه روحهه .طبيت لاساور جانت دتنوم ابنهه شمرت روحي بحضنهه وبجيت بجي المنكوب

الشهكه تطلع من صدري تطلع روحي وياهه
شعوري بذيج اللحضه الموت اهون من عنده

سولفت ليسر وهي تواسي بيه بدمعتهه
بقيت للمغرب اني ابجي بمكاني سالت عليه عمتي
ويسر سولفت الهه كلشي