مُقيده بأصفادِ الثأرِ

البارت السابع

مًنذ تلّك أللحضهّ.. وأنآ لم أجِدنيِ بًعدْ...

________<<<<>>>>_________

ماشوف غير دمه نزل من راسه ودمر تشيرته
التفت عليه بصدمه

بهل لحضه دخل قصي جرني من شعري وكعت بالكاع
تولاني بالضرب ماعرف وين ادافع لنفسي وجهي وجسمي
يضرب ويفشر ويغلط

هوسه هوسه صارت سحلني من شعري حيل
بحيث شعري حسيته وكع بايده
كام يصعد بيه الدرج صرت اقرب بروحي عليه
اذا اسحب روحي منه شعري يتكطع بايده

يجر بيه ويسب ويغلط ويضرب
وصلني للغرفه سحل اسمع عياط رسل وهي تصيح بقصي

دفعني عالقنفه بقوه صار راسي عالحافه انضربت حيل

قفل الباب بس سمعت صوت القفل
حسيت الهوا نكطع

-لااا فدوه لاا ابوس ايدك
ابوس رجلك لااا تسويلي شيء

ما حسيت لا حرارة الراشدي واذني صفرت تولاني كتل

-ساق**** ادبسز صلافتج ما شايف مثلها
الا اربيج من جديد واكسر عينج الصلفه

-الله يخليك لااا لتسويهه والله ابوس رجلك بس عوفني

توسلاتي ماجان يسمعها كتلني وضربني ما خلى مكان بجسمي صاحي بعد ما احس من كثرة الضرب ورفاساته اليه ما يگول بشر گدامه
تالي بكل وحشيه ربط ايدي وصار يتفنن بتعذيبي

عياطي ماجاب اي نتيجه
زاد باذيته
رسل تدك بالباب وتعيط يفتح الباب
تمنيت يسمع كلامها ويعوفني بس ماجان يسمع احد
اوتاري الصوتيه احسها تكطعت من صياحي
تالي سد حلكي بايده

تعبت وصوتي تعب وعيوني غوشن من الدموع والم
كلبي ..كياني ..كرامتي
كلها انهانت

اتطشرت مثل المي ياهو يلمني بعد ..

دموعي تشرح وجعي ووجع روحي
حيل انقهرت على نفسي
وحقدت على ابويه وجدي وكل الناس

سكنت بس روحي محتركه ..

كام مني بعد وكت وقرب راسه يم اذني وهمس

-هذا عقاب زغير لصلافتج ..كتلج اكسر عينج
وراسج هم

طلع وقفل الباب عافني مربوطه
ابجي بكلب محترك وصاير حطب ..

استحيت من حالتي
خواتي يردن يجن يمي منعهن وخلاني وحدي مربوطه
اسمع عياط رسل وصوت شيء انكسر

تعبت من البجي
سكتت بس دموعي تنزل بهدوء والشهكه من تطلع احسها تشك صدري

غفيت ما ادري اغمى عليه من التعب وره وين فزيت على صوت الباب ينفتح لميت روحي خفت

دخل هو وسد الباب
باوعلي بنضره استحقار وبادلته بنفس النضره

-اتادبتي