مُقيده بأصفادِ الثأرِ

البارت-15-

: يوم ألرحت
مني أنخطَف لوني
طلع دخان من كلِبي
وعمَه عيوني !
________<<<<>>>>__________

التفتت على الصوت الجاني

ياهي هااي

-جوريه شلونج

-صفنت عليهه مستغربه

-يااهي انتي!

-اني شيماء شنو معرفتيني

-شيمااء!!!

-يي ولج شيماء تعالي حبيبه تعاي

حضنتني تبوس بيه وتسال على حالي
صديقه الطفوله المقربه اذكر اهلهه ماجانو يرضون تمشي وياي بسبب سمعه اهلي
انه بطلت وماكطعت علاقتهه بيه جانت تلعب وياي بلا حس اهلهه شبينه وكبرنه كمنه نتشاوف يم النهر ونسولف وهم بلا حس اهلهه ونوب وهي اتزوجت ابن خالتهه ببغداد وراحت وانه وراهه تزوجت وهسه الدنيا ردت جمعتنه

-يا شيماء حالي حال
الدنيا لعبت بيه ودولبتني خذت مني العزيز ودهربتني

اخذتني وياهه تمشي وتسولف
حجيت الهه الصار بيه تسودنت عليه وتخبلت

-خيه وهيج حالج صاير رديتي لهلج

-رديت للذله ونفس الحفره الطلعت منهه رجعت بيهه

-اهلج ماينحملون شلون جارعتهم

-جرعت المر وبلعته انه ضلت على هلي

-وزوجج شني صار بيه

-لحد هسه نايم بالسجن لا صادر حكم بيه ولا طالعه اوراقه للقاضي وابو مايرضى يخليله محامي هل
هناك ضال مشمور

-اني ابن عم زوجي محامي وكلش خوش انسان ويحبني ويحترمني
بس ارجع لبغداد لبيتي احجي وياه واستفسر منه
واشوف بلكي يكدر يساعدج بشيء

-يااا يمه هيج بيهه بخت واحصل زياره واكدر اشوفه

-بعدج تحبي عكب السوا بيج وشمرج هيج

-كلبي فتح عينه عليه شلون انسه الزينه كلهه واوكف على شينه
مانسى عشرتي وياه وحبي اله
لهسه انه اون عليه وادري هو البيه مو قليل

-والله خيه مدري شكلج انطيني خطج خل اسجله واخابرج من ارد لبغداد

-ييي حبيبه هيج والله دزج عليه

-الله يكون بعونج خيه الله يبرد كلبج

تودعنه ورديت للبيت
وردت كل ذكرياتي وطفولتي وشبابي
عدنان وحبه وغيرته .عشرتي وياه حلوه
مايمسحهه الوكت اضلن اناطره لاخر يوم بيه

تذكرت بناتي وبجيت طلعت قراصات زينب

يمه يزغيره شلون تنامين هم تذكرين امج
منو يسويلج كصايب حلوه بعد امج يحلوه

ونيت عليهن ودور رديت على ابني وحيدي
زغير كليبي وسند خياته
دكيت عالولد علما خلفته .كلت يكبر ويسند خواته
بعده ماكبر ونكسرن خواته