أمس لمن درت ظهرك
عفتني تراب لو ماخذني بجيوبك
أمس مثل الطفل چني تذبني وأرجع لثوبك
منو مثلي يحبك حتى بعيوبك ؟💔
_________<<<<>>>>_________
عيوني ثكيله واحس جبل فوك بطني
تفتر بيه الدنيا وماكدر ارفع راسي
اصيح بوجع بس مدافهم اني شنو داكول
بس اصيح من بطني وجعهه مينحمل
وًفايض جوايه شيء احس رطوبه قويه
وذبيت من راسي شيء مرر كلش وكلما اتقيء تنعصر بطني ويهيج الالم
احس داندفع واضويه تتخاطف مني
شوي وحسيت انرفعت
بديت احس ..
عطت من الوجع كمت اصيح ولج يممممه ولج يممه
مادري شبيه الوجع يذبح بطني جبل عليهه
ماكدر اتحرك ضربوني مسكن شوي وماحسيت بعد
ووين يلا صحيت دايخه بديت اركز صوت عمه وحسام
ملكوت يم راسي منتجيه
خليت ايدي على بطني ماكو مو جبيره بس ثكيله وتوجعني همست
ملكوت اني وين
-يمه يسر حبيبتي كعدتي
-بطني توجعني
-ييي مو جبتي عمليه طبعا بطنج
عمه فوزيه-الحمد لله على سلامتج يمه
-هزيت راسي دايخه ماكدر ارفع راسي
وين ابني
جابه حسام شايله
هذا شوفي يشبهج
-رفعت عيوني عليه بثكل
ماركزت بيه رجعت غمضت ونمت
بقيت دايخه لحد ما كومني حسام كوه احس روحي طلعت
اخذوني للحمام كوه غسلولي وبدلولي شوي ارتاحيت بس كوه امشي بطني احسه تنشلع
الطفل سمو( رضا ) يكولون يشبهني بتنه ليله بالمستشفى وطلعوني ثاني يوم
استقبلني خواتي وهن فرحانات بالزغير
التهيت بالطفل فرحانه بيه ناعم ابيض وصوته ناعم كلش
اضحك على خواتي جيف مارادنه ورادني بس اذبه
وهسه طايرات بيه من ايد الايد
اتحسنت حالتي وصرت امشي على كيفي لحد ماطاب جرحي وشلت الخيط
حسام ماخذ عقله الزغير وفرحان بيه
فرحته بالطفل فرحتني اكول بلكت يتغير ويلتفت علينه ويفكر بينه ويعوف سوالفه ...
________
زينب....
رجع علي من الحله وفرحتي مانطيهه لاحد
من يرجع جن جاي العيد ونوب صار شهر ماجاي من وره الامتحانات ضال هناك يقرا ملتهي
اليوم الصبح غبش علينه واجه جاب العيد وياه
كلبي طاير بشوفته نوب كال مطوله اجازته هنا
صعدت من كمل سلامه وي اهله وبارك ليسر على الطفل اخذ جنطته وصعد فوك
انه بساع تبعته من شفت خواتي ملتهيات
دكيت الباب وكال ادخل
أنت تقرأ
مُقيده بأصفادِ الثأرِ
Storie d'amoreلكل منا حلم واهداف احكام عشائريه واعراف،.. ماذا عن فتيات يؤخذن من احضان امهم تحت مسمى العرف العشائري
