مُقيده بأصفادِ الثأرِ

البارت الرابع

: مثل مرجوحة
روحي تصير تالي الليل
تهز كلبي لحد ما يغفن اجروحة ♥
_________<<<<>>>>________

اعاين عليه عكله موش وياه
راح تغوسل وطلع ماكال كلمه انه خفت عليه ضليت اعاين وراه دور فات للحجره
ذب روحه على وسادته وضم روحه بروحه
هيج جسمه لمه عليه جن طفل

-عدنان شمالك خوفتني عليك

-ارد انام

-شبيه حالك
مارد علي ضل مغمض عيونه
اجيت يمه مديت روحي انام
وغفيت
فزيت تالي الفجر اشرب ماي شفته كاعد ويشرب جكاير

-عدنان مانايم شني بيك شيء

-تؤ ماكو شيء نامي انتي

-وهيج ضل حاله يوم ويوم ثاني مر وهو لا ياكل ولا يشرب
حابس روحه بالحجره وصافن بالفراغ
عكب يومين اجو علينه من غبش
خوان عمتي خوال عدنان وينشدون على عامر
مامش خبر عنه
اتسودنت عمتي عليه وعدنان تخبل

-خالي انت وياه شركه وحلالكم واحد
تعرف احد مهدده معادي عنده مشكله وي احد

-لا ابد خالي عامر ماعنده مشاكل
وهو يجيني مره بالاسبوع يقاسمني ويروح
وجان المفروض يجي من ليلتين فد مااجه انه عدالي
عده شغل وهل مابين

-دكو خواله على روسهم وهم يفرون بروسهم
خويهم ماكو
دورو عليه بكل كتر
حتينه عدنان وياهم مامش اثر تكول فص ملح وذاب
فد ماايسو ضلو يدورون
عياله حالهم مايسر العدو .وحرمته مكروده ماتعرف شتعمل خلاف رجالهه

عمتي حالهه حال تون وتبجي عليه

-ناس تكول خذو الامن
ناس تكول تزوج وشرد
ناس تكول طلع تهريب
وهيج صارت الاشاعات تطلع عليه وهو مابين
فد اهله ماايسو كالو دام ماشفنه جثته ماميت
انتضرو على امل يجي طارش عليهم بيده خبر عن عامر

وهيج مرت الايام وعدنان نكسر على خاله حيل
وانطه حك خاله ولزم هو المقاولات وحده

اهيس روحي موش زينه
ارد انامن ودوم مسطوره
والاجل ماجاي يجي على نفسي
شكيت الحال لعمتي كالت خافنج حبله
خذتني للدايه تفحصتني وكالت حبله

فرحتي مايوصفه لساني اهيس بكلبي يطير من كثر ما دك حيل شيخلص الدرب واوصل اخبر عدنان
خبرته عمتي وجان حيل فرحان
عبن عمي بعد ماله عليه حجه
جان يلح عليه كل هاي المده على جميله وهو يرفض

تم حملي على خير وصرت بشهري
اجتني الطلكه الفجريه وعدنان كض الدرب بساع جاب الدايه واجه

جبت بطلوع الروح

-مشالله بالمبارك بالمبارك
بت جبتي

-نعمه وخير البنيات نعمه على اتمام الخلقه

فرح حيل عدنان بالبت
وعمي مافرح حيل اتضايك

-من دون خلك الله مافرحتوني بصبي
سطرتوهن علي بنيات