مُقيده بأصفادِ الثأرِ

البارت الخامس

لا تنغش اذا
كالولك شلونك
هاي الكلمة بس من
الغرب تنگال
ما يحجيها
واحد مفتهم لونك

________<<<<>>>>__________

فلاش بااااك....
فتحنه انه وخالي محل جبير حيل للكهرباء ودخلنه شركه انه وياه

-عدنان الفلوس جاي تنقص هاي مو ارباحنه

-شني خالي عندك شك بيه

-استغفر الله ابني انت اثق بيك اكثر من روحي
بس انت اريدك تنتبه اكثر شوف انت المن مورج شغلك

-رد خالي لبغداد وانه رديت اكمل حسابات
شني نقص جا انه شو استلم كاملات
بصفنتي اجاني صاحبي حسين صويحب زغري

-هلا عدنان اشوفنك منشده عكلك

-والله ياخوي مدري
فد خالي يكلي ارباحه توصله ناكصه وانه بيدي اعزلهن اله زين شلون انه جاي اخذهن كاملات

-يعني خالك يشكك بيك

-لا خالي يثق بيه ويعرفني زين

-جا شنهي الراي .اخذهه مني خالك يريد يبوكك ويلعب لعبته وياك ويخليك تنطي من حقك اله

-شدا تحجي تضن هيج يسوي
لا مايسويهه خالي واعرفه

-انه العلي حذرتك انت راقب وشوف

-كضت الايام والشغل ماشي اجه خالي من بغداد
وبدينه نجرد ونتحاسب والارباح صدك بيهه نكص

-هاا عدنان انه شكلت

-خالي خل نعيد الحساب

-مايحتاج بويه فد انت المن ملزم المحل

-مرات يبقه عد حسين صديقي

-وهاذ تثق بي انت

-اخوي هاذا خالي

-مادري انه بس الحذر واجب

-بقيت اراقب بالمحل ارباحه زينه
من نجي نتحاسب يطلع خساره

-حسين انه دخت المحل يشتغل فد خساره تطلع علينه

-كتلك هذا خالك يريد يبوكك المحل

-شلون حسين احنه رزقنه واحد ونحسب سوه

-اتغده بيه قبل مايتعشه بيك

-شسوي

-انت اتهمه بالبوكه قبل مايتهمك هوه

-حسين انت شني الي تكوله 
خالي هذا
هو الوحيد الوكف وياي من الكل صار ضدي

-انعم الله عليه ماقصر فد هذا رزقك

-بقى حسين ينحش براسي ويصورلي خالي يريد يستغلني

بيوم اجه خالي وكال انه المحل خساره طلع علي
ارد افك الشراكه

-شني خالي يعني تريد تبوكني المحل