مُقيده بأصفادِ الثأرِ

البارت الثاني

انة الما تيهت تيهني وجهك ذاك
بدوي و درب الصحاري اشتمة واندلة

_________________

وبذاك النهار تدوهنت العكول
يدورون على جوريه مامش منهه نشده
لاخلو ناس لا عرف
بالشط دورو
فص ملح وذاب .....

ابوهه كال ماكو غير عدنان هو الخذاهه
راحو خوانهه واهلهه مسلحين ثارت جيلات بالجو.
ويدورون على بتهم يم بيت خزعل

والي تبين عدهم اهل عدنان يدورون على ابنهم
هنا الفضيحه صارت على كل لسان
كل الديره عرفت عدنان ناهب بت ابو العنب

صارت سالفه جبيره وتدخلو ناس كبار الديره
وشيوخ
وكبارعشيرته كالو احنه نذب وركته من العشيره ونهدر دمه
وين ماتلكوه چتلوه لا النه غرض بيه ولا نكرب صوبكم ولا تكربون انتو وياه تنجازون

فد ناس طبت بالخير كالت الكوهم وزوجوهم
احسن من الچتل

___

شردت انه وياهه بذيج الفجريه وصعدنه سيارات بغداد

هناك خوالنه وخوال امي
طول الدرب وانه افكر بالجاي وشراح يصير
جوريه غفت بالطريق وراسهه صار على جتافي

وصلنه لبغداد. .
ونزلنه نوب صعدنه سيارات يم خوالنه
توجهنه غاد وجوريه عيونهه على بغداد وناسهه
وصلنه هناك وكضيتهه ومشينه

دكيت الباب

-منوو

-انه انه خالي عدنان

-ياهلا بيك خالي زارتنه البركه كل الهلا تفضل

-وياي ضيفه خالي

-كل الهلا بيك وبضيوفك تفضلي عمو منا

دشينه بيت خالي عامر
وضيفونه وكعدنه

-خالي انه جاي على الله وعليك

-كول خالو شعندك

-انه ناهب البت من اهلهه وجاي

-عدنان شداتحجي انت
شلون هيج تسوي مافكرت بيهه لو يلكوكم لو يكتلوكم

-خالي ماخلولنه حل ثاني
لا ابوي راضي يمشيلي عليهه
ولا ابوهه راضي ينطيني اله ابوهه يجي

-وابوك شبيه مايرضى

-خالي البت اصلهم غجر

-هز راسه خالي مفتهم ودنك
زين انت البت ضامنهه لو شنو ترا هذا زواج مو لعبه

-بت خام ابيض خالي

-وشراح تسوي

-راح اعكد عليهه وانرد غاد لهلنه فد تهده السالفه

-يابعد خالك هيج انت راح تروح للنار برجليك
شمدريك شصاير هناك هسه

-مادري خالي متدوهن وعكلي موش بمجانه
ماخلولي درب افكر