مُقيده بأصفادِ الثأرِ

البارت-14-

: ليّش ما مَليت منهُم ؟
وليّش ما مَات الحنيّن
شِعاجبك باقَي بدربهُم
عاجبك هَذا الونيّن ؟
عِيش يا گلبي مثلهُم
هُم طيّن وإنت طيّن.

________<<<<>>>>_________

بعمري ماتصورت هيج انه اتصرف ..
بس الانسان طاقه وانه استنزفت كل طاقتي
وماضلت عندي قدره للتحمل
كمت اعامل بالمثل .
مثل السوته بيه رسل اسوي واكثر

عايشه بوسط دوامه من الافكار
شنو رايده وشنو افكر مادري .

جنت كاعده ومخليه ايدي على خدي وافكر بالجاي يصير وياي الى متى نتحمل هيج وتعبت ياربي ليش هيج هذا صبرنه شوكت نجني ثماره ..
اجت زينب خلت راسها على رجلي بقيت العب بشعرها وهي تسولف وياي واني بس اهز براسي وبالي مو يمها شويه وسمعت صوت مازن ومريم رجعوا هنا تذكرت ملكوت ماكو مالها اثر من العصر خليت ايدي على صدري ودكات كلبي تسارعت خفت على اخيتي مو من عوايدها ما تجي يمنا وين راحت كمت نزلت جوه دورت بالمطبخ والحديقه الصاله ماكو صعدت للحمام هم ماكو تخربط وضعي وعيوني غوركت دمع وجسمي رجف
اول مجاي اطلع صار بوجهي مازن جاي اروح سئلني شبيه كتله ها ما بيها شي گال
لونج مخطوف صاير شيء !!

-هاا لا بس دادور على ملكوت ماكو لا جوه ولا بغرفتنا ولا هنا

-صفن وكال خاف بالحديقه

-هزيت راسي بمعنى لا لا ماكو طلعت وما لگيتها گال

-وين راحت اكيد بالبيت غوركت عيوني ما ادري بعد بس السطح خلي اصعد يمكن كاعده فوك وخرت من يمه وصعدت واني گلبي يدك سريع حسيت اخيتي بيها شي جان الباب شويه مردود فتحته صحت ملكوت ملكوت درت وجهي واشوف اخيتي واكعه بالكاع وشي ابيض يطلع من حلكها واشرطت الادويه يمها شهكت ولطمت على صدري حيلي باد ما اعرف شسوي اريد بس اوصلها وكعت زحفت اله وصلت يمها اضرب بوجها وابجي وكوه احجي ملكوت بس جاوبين

خلي اسمع حسج ماكو اي شي خفت خاف خسرت اختي صرخت بعلو صوتي وكمت مفزوعه. نزلت ركض كل شويه اعثر الدرج صار شطوله عليه وصرخت عمه الحكيني ملكوت انتحرت ابجي وكوه احجي طلع مازن من غرفته يركض وقصي ورسل هم اجتني زينب تركض وخايفه شبيج اساور ملكوت شبيهل تحاجيني وتهز بيه اني اشهك وابجي اشرت على سطح م مم ملكوت واكعه بالكاع ومنتحره

ركض مازن وقصي واني وزينب وراهم ورسل بقت واكفه باب غرفتها صعدوا ونصدمو شالهه مازن وهي عباره عن جثه هامده لا تحرك لا ايد ولا رجل

نزلو بسرعه واني اركض وراهم يسر طلعت من غرفه عمتي كوه تمشي
لزمتهه عمتي تكعد بيهه وهي تكمز
ديطلعون بيهه

-اووووكفو فدوه اختي هااي اجي وياكم

-قصي-بسررعه يلاااا لبسي
بسرعه اخذت عبايه من عمتي وطلعت حته حافيه