مُقيده بأصفادِ الثأرِ

البارت-25-

صوت صراخهم وهوستهم جمدت دمي
عقلي ميكدر يفسر بعد. اريد اكوم من مكاني رجلي ماتت
بقيت على كعدتي عشر دقايق
النفس كوه يطب بصدري وجسمي كله يرجف
اريد بس احد يصعدلي ويساعدني وينطيني خبر منو الانضرب

عشر دقايق على كعدتي وبجيي
صعدت يسر طبت عليه

شهكت واني ارفع ايدي عليهه

منوو منوو نضرب عفيه منو ماات كوليلي

-اشش اشش اسم الله ماكو شيء لا تخافين محد مات

-جذاابه كليلي منووو عفيه

-والله وداعه ابني محد

-شنو الصار جا شبيهم

-ولج من ديزفون مهند ابن عمهم جان شارب
وديرمي بالجو وطلقه خطفت على اخو خطفت على جتفه لو شوي جا طبت بكلبه الله ستر

-عززه العزااني شلون وهسه مابيه شيء

-لا خذو مضمد لان الطلقه فد جرحت جتفه

-عليج الله صدك محد بيه شيء مهند مابيه شيء

-لا فد صارت عركه جوه على الرمى لان سكران والولد تخبلو كالو جا نكلب علينه العرس عزه
وهسه كلهم جوه وجماعتهم راحو لبيوتهم ضلو فد كرايبهم

-بقيت كاعده مقهوره على حضي
حته بيوم فرحتي لازم ماتكمل ونتنغص
حزنت حيل وكمت ابجي
كلت لاساور تساعدني ابدل

-ضلي هسه يصعد مهند

-وان صعد شراح يشوف دعايني البهذله
ماضل مكياج ولا شعر

ساعدتني افتح شعري وانزع
طبيت للحمام سبحت اريد الرجفه تروح من جسمي
طلعت من الحمام مسحت المكياج كله
ومشطت شعري ميبسي تيبس بالسبري
كوه تمشط كملت ولفيته ولبست دشداشه وحجابي
نزلت عالدرج جانو رايحين الغرب ضالين بس بيت عمهم والولد بالاستقبال

كالت ملك ليش نزلتي صعدي ميصير

-ماكدر اخاف اضل وحدي خليني يمكم هنا
رحت كعدت بالهول جانو كلهم كاعدين النسوان
كالتلي وحده تصير مرت ابن عمهم

-شنزلج ميصير

-مو ماكدر اضل فوك اخاف

-لا حبيبتي عروس ميصير مو زين عليج
خاصا هسه الوضع متوتر خاف تفزين تنجبسين

-هزت عمتي ايدهه ودارت وجهه
اني طلعت من الهول وي طلعتي طب مهند جان يشوفني
كدام البنات سحبني ولزم ايدي
يحجي بس صوته رايح من الصياح

-شنزلج حبيبي

-ضل بالي يمك كلش وخفت وحدي اجيت اشوفك
صدك مابيك شيء

-ابتسم وباس خدي كدامهن كلتله مرت ابن عمه

عريس هيج مستعجل اصعد شمنتضر
ولك مو كدامنه