مُقيده بأصفادِ الثأرِ

البارت-18-

: عيش الوَحدك محد
يموت وياك
لا تلزم دروب الما
يريدونك.
تَرِى شماتتعبلهم
غيبتك بالريش
وَحگك حَتۍ يمكن
مايقكدونك
_________<<<<>>>>_________
ركضنه كلنه على صوت العياط فوك
جان مفتوح باب غرفه رسل واشوف كدامي المنضر
اساور كاضه رسل من شعرهه وتضرب بيهه حيل وذيج صايره جواهه مابيهه كل قوه تدافع على روحهه

ركضت عليهه اجرهه جانت اساور فاقده وكل الحيل بيهه
تضرب برسل وتصيح

-شوووفي راسي شووووفي بسببج انتي انتي السبب

اخر شيء جرت المكص من جوه ردان دشداشته وبسرعه سحبناهه وهي ترافس جوانه

-خلوووووني خلوووووني

جانت بحاله مو طبيعيه كاضتهه حيل وابجي على حالهه
والي وصلت اله ترافس وتهلوس وتصيح
خفت عليهه حالهه جان مايسر وما يطمن مهند قفل عليهه بايده وهو يسحبهه خارج الغرفه
اخذناهه لاحمام اغسل الهه وهي تضحك ودموعه تنزل

-شبيج اساور شبيج لا تسودنينه

-هههههه شفتيني من ضربتهه شكد حلوو

-اسااور اصحي شبيج ..اشمر المي عليهه واحجي وياهه

طلعتهه وهي تسحب بروحهه وتضحك
خفت حيل عليهه صعدتهه وعفت الهوسه الجوه حايرين برسل الوجهه صار عباره عن دمايه
طبيت للغرفه ومددته بفراشه دارت وجهه ونامت
كعدت يم راسهه امسد عليهه وابجي بحركه كلب
مادري اختي شبيهه وشصاير بحالهه اخاف تسودنت من القهر شحجي وشكول

عاينت عليهه مغمضه عيونهه ونفسهه ثكل
خليتهه ونزلت

الكل وضعه مو احسن مني .
كلهه مستغربه وضع اساور لان جانت بحاله مثل الي مو بوعيهه .مو مساله اعصاب لو متعصبه لا
جان الموضوع والتصرفات مو طبيعيه ماتتحكم بروحه
جانت تضرب بيهه بدون وعي ومتفكر ممكن تموت جوه ايدهه

للعصر وصعدت عليهه اتفكدهه .جانت كاعده وبيدهه مشط ومرايه وصافنه بالفراغ .اتقربت يمهه وسحبت المرايه منهه

-اساور خيتي شمالج وشجرا لحالج.انتي العكل كله هيج تتصرفين بيج شيء احجيلي خيتي ترا الينضم بكلبج يتراكم ويأذيج شجاج هيج متغيره

ساكته ماتحجي حرف فد صافنه بالفراغ الكدامهه .

-اساور اذا على شعرج ترا يطلع ويرجع احلى من كبل
لا تضوجين وتقهرين روحج اعتبري اسم الله عليج صار بيج فدمرض وهسه صرتي زينه ويرجع شعرج ينبت من جديد
تذكرين جدتي جانت تكول كلشي يصير بالبني ادم بيه حكمه حته المرض حكمه والله كاتبه
وكلشي يجي من الله هلا بيه
اساور سكوتج مخوفني .لا تضيعين مني وتضيعيني وياج مالي غيرج انتي وخواتج وانتي نصي الثاني
لو صابج شيء انه انتهي خيتي حاجيني وريحي كلبي .