مُقيده بأصفادِ الثأرِ

البارت-11-

: العمر خلص وانتظر
حضرة جنابة يحبني
وشگد المح ما نفع
بس ادري يفهمني
خبلني يمكن يستلذ
من گاعد يعذبني
________<<<<>>>>__________

بهتت كل الوجوه وعيونهم على مازن منتضرين كلمه يكولهه

-خابروني قصي لكو عايش

-انكلب البيت من حزن وبجي لهلاهل بساع نمسحت الدمعه واجه بداله صوت الهلاهل

عمه فوزيه-شلونه يمه شلونه عايش بروح ابوك

-وروح ابوي عايش خابروني هسه

-رببي حته لو بس نفس ضال نعمه ربي رحمتك

طلعو بسرعه يجيبو من المكان الخابروهم منه
طلعو اخوته وولد عمه وره 3ساعات خابرو كالو جبناه وجايين رايحين للمستشفى

عمتي طلعت منا للمستشفى تتلكاهم
واحنه خلصنه شغل وكعدنه

يسر-سبحان الله شلون الله كتبله عمر وعاش

ماكوت-كل انسان ويومه وهو الله كاتبله خبزه بالدنيا بعد

اساور-لو مات جا ما سامحت روحي
شكد دعيت عليه الله يحرك كلبه وياخذه
فد من صارت صدك لا صعبه الانسان يعيش
وضميره ياكل بيه مثل السرطان

ثاني يوم طلعو بليل وجانو اهله وعمامه كلهم موجودين يستقبلو
اول ماجابو ذبحو الذبيحه يم رجليه
انه واكفه واباع عليهم من المطبخ لازمي اخوته
وعمه فوزيه تهوس وعماته يهلهلن
طببوه للاستقبال جهزناهه الصبح لاله وخلينه جربايه
طبت عمه فهيمه من المطبخ تصلي عالنبي

شلونجن يبنيات

-هلا بيج حبوبه شلونج انتي

-هلا بعد حبوبتج تعاي نطيني بوسه
سلمت علينه واجت كعدت وجرت اساور يمهه

-كره عينج يمه بسلامه رجلج

هزت راسهه مدنكه

-رجلج طالع من حلك الموت يمه
اتحمديله واتقربي يمه وشوفي شيحتاج
خلي كلشي وره ضهرج وابدي من جديد
اعفي وسامحي وكسبي الج وخلي يخليلج قدر وقيمه

-شسامح حبوبه وشأعفو

-الله يسامح يمه احنه منهو ونضل حاقدين الدنيا خلصانه

-بس الله سبحانه يكول
العفو عند المقدره
واني شفت هواي نهانيت ونذليت وتاذيت جعت خفت
على ياهي اسامح

-خلي كلبج ابيض خاطر الله يبيض كلوب الوادم عليج

-حبوبه ماريد كلوبهم تصفى لو تبيض اريد فد ارتاح

حمل الشايلته يرادله كلبين،،

-تصفه ياحبوبه ماتضل هيج تصفى الله يصافي الكلوب

بيومهه نخبصنه لتالي الليل وخطار وناس رايحه احس ضهري انكسر وبطني صارت حجاره

————-