مُقيده بأصفادِ الثأرِ

البارت-13-

عيونك الضحكن لغيري
بعد ما راويها وجهي
ولا أجي كَبالك
يتيم
حاسبك فوك من اهلي
ماردتني؟ الله كريم
________<<<<>>>>__________

التفتته ثنينه عليهه

-مشالله صاير زين ومرتاح قصي

-شجابج  مو كلت التطلع مالهه رجعه ليش رجعتي

-اجيت لبيتي ولزوجي حبيبي بس شفته غاط بالعسل
شعدهه هاي بغرفتي؟؟

تحجي وعينهه عليه

اني داطلع لزم ايدي وكلهه

-ميخصج هي غرفتي واساور مرتي

-من شوكت صارت مرتك وتعتبرهه وتخليله تقدير

حجايتهه ضوجتني خزرتهه وجريت ايدي من قصي اريد اطلع
هو ماقبل بقه ضاغط عليهه

-هاي الي تحجين عليهه اصيله
ماعافت رجلهه وهو مريض بقت وياي وقايمه بكل واجباتي تستاهل احطه على راسي

-شبيك قصي شداتحجي بعدين اني طلعت من وراهه

-ليش طلعتي من الاساس هاي نتيجه اهمالج

-هسه شنو تريد اروح

-انه ماطلعتي ولا رجعتج انتي رحتي ورجعتي
ماعاجبج الله وياج

اني جريت روحي من حسيت الموضوع تشدد اصريت اطلع

عفيه خل اروحن انه

-لا عيني خليج ام البيت وام الدار واحنه نطلع
مو هيج قصي هيج تريد

-ماجاوبهه واني طلعت وهو طلع ورايهه بقت هي بلغرفه بعدني عالدرج دننزل انه وقصي وراي
وسمعنه صوت شيء نكسر التفتت شفت قصي مامهتم وكمل الدرج

جانت امهه جايه ماسلمت عليه
لزمت قصي تعتب شلون هيج يسوي ويفضل الفصليه على مرته وهانت عليه العشره والحب

قصي-حجيه الله بالخير عليج .ياحب ياعشره
منو الهانت عليه غير بنتج صار 3سنوات تجذب عليه
تحاليلي نضيفه وتحاليلي زينه الصوج منك وبيك
وفضحتني وزغرتني كدام الرايح والجاي وهي تكول عليه ماخلف چا اساور شلون حبلت هااا شلون
انه ساكت الخاطر العشره لو احجي الحجي ماراح يعجب

-هااا عمه انت الطيب المعدل هاي مريتك لا تفرط
بيهه تحبك وعلي الليل ماتنامه عليك

-عمه انه شعندي طلعته زعلانه!كاتلهه ؟طاردهه
هي لمت هدومه وطلعت شتريد اتوسل بيهه واكله لا ترحين .عمه رحمه لاهلج ولابنج ماكتيلهه شلون تعوفين رجلج بهيج وضع وهو طالع من الموت

-نفسيتهه تعبانه وماكدرنه نضغط عليهه
عفناهه ترتاح وهل جبناهه لا تكسر كلبهه وتاذيهه
المره تغار من المره وغيرتهه تعميهه انت احتويهه
راضيهه بحجايه برد كلبهه لخاطري يمه