مُقيده بأصفادِ الثأرِ

البارت-22-

عيوني تسولف وتحجي وتعاتب وتشرح كل الجرا عليه
جن مامش غيرنه بهاي الغرفه
نسيت نفسي ونسيت اخوي ونسيت هو طلكني

لكيت رجليه عليه تاخذني
عد ما كضاني اخوي من يدي حسيت وكعدت
شفته عيونه تشخصت عليه .
نفس الحنيه ذيج شفتهه بعيونه

كعد وسلم على اخوي والمحامي عرفه على نفسه
وشرحله شنو يريد يعمل

فد جن عدنان عكله مو يم المحامي
عيوني تدور علي

غطيت وجهي بعباتي .
وهو التفت عالمحامي

-عدنان التمييز راح يساعدك ويخفف عنك الحكم خصوصا اذا ملفك عند الدوله نضيف
يعني ماكو جرائم سابقه
بس احجيلي الجثه انطيتهم مكانهه

-يي نطيتهم مكانه وطلعوهه

-خوش انت لو مامنطيهم مكان الجثه جان ممكن اسويلك اوراق حاله مرضيه واسهله عليك
لكن اعترافك وتدليهم على الجثه للاسف صعب شوي
-
-لو رب العالمين كاتبلي اخذ جزاتي وجزات عملتي هنا وشنو جان الحكم انه راضي بحكمي

-وشغله ثانيه .ابنك

-شبيه !!

-امه تطالب يرجع لرعايتهه

-ليش علي وين

-التفت عليه موجه السوال الي

-نزلت راسي ونزلت دمعه مني

اخذه عمي مني من ساعه الطلكتني

-شلون ابوي يسوي هيج
الولد يرد لحضنج

رفعت عيني عليه وهو قره حجاياتي
التفت لاخوي

-اريد ارد مرتي لذمتي

حجه المحامي

-الطلاق تم بحضور شهود ؟!

-فد انه وهي وابوي

-الطلاق بهاذي الحاله يكون باطل
لازم شاهدين من الذكور او شاهد وامرأتين يلا يقع الطلاق بينكم

-يعني شنو

-يعني زوجتك على ذمتك ماوقع بينكم الطلاق

-مسحت دمعتي ورفعت راسي عليه شفته يمسح على وجهه وبانت ضحكته ويهز راسه برضا

اتفقو هو والمحامي على قضيته واوراقه التفت علي وسالني شلونه حالج

-حالي خلافك مثل التايه ومالكه اهله
ضعت والحال مايسر انوخذ مني كلشي بلحضه ماضلي بيت ولا عايله ولا عيال

-بناتي شلونهن هم عرفتي شيء عليهن

-بناتك حالهن ماهو ابرد من حالي كل وحده تشرح بعيونهه قصه
فد اكلك صرت جد

-جد ياهي خلفت ملكوت

-لا يسر جابت صبي

-يسرر!!!