مُقيده بأصفادِ الثأرِ

البارت الاول

الاقدار....

يكولون اقدارنه مكتوبه
اول ما ننولد للدنيا ،شنو راح نشوف وشراح نواجه

بس احنه اقدارنه انكتبت من اليوم الابويه
زين اله شيطانه عملته وجرم جريمه  وندفن سره عشرين سنه
بس ماكو شيء يبقه للابد لابد يضهر الحق بيوم
وبيوم الضهر الحق
احنه  الي اندفنه بدال ذاك السر ......

لنسافر عبر الزمن ونعود للماضي ،،،
حيث كان هناك متمرد لا يعرف للرحمه طريق
احجيلكم منين تبدي سالفتنه ...
خزعل جدي عنده ولد 2
عادل وعدنان

انسان متسلط متجرد من الرحمه ومايعرف الحق
مستقوي على الناس ويحاربهم بارزاقهم
ويشتغل بالربى وياخذ حلال الناس رغما عنهم
لحم بطنه من الحرام .
ماجان يرحم احد بلسانه وبافعاله
الناس تشكي منه بس ماجان ينرد رغم كبر سنه
وولده شباب اكبرهم اتعده العشرين
جانو يفشلون من الناس تجي تشكي من ابوهم يمهم

اخوته معادي واهله نافري .مشاكله وطلايبه ماتخلص
مامحترم كبرته

عادل حب بت عمه جميله حب جنون
وهي هم حبته
ابو جان مشاكل وي عمه الي هو ابو جميله
وماقبل يمشي ويخطبه اله

حاول بكل الطرق عادل ماكو نتيجه

-بويه احبهه ليش تكسر بينه لخاطري

-هشش انكلع من جدامي
تريد انه اروح واخطب من جواد مره

-اخوك هذا بويه لخاطري

-اتبره منه ومااوكع عليه

-چا هيج انه طالع وهادلك البيت

-طلع وعاف البيت عادل وراح لبيت عمه اخو ابوه من غير مره
جان يحبهم ومتعلم عليهم رابين سوه
بقه بيت عمه مايرضى يرد للبيت اله بوافق ابوه على جميله

ودو ناس على خزعل علمود يرضى ببنت اخو
كوه رضى
تالي جواد من عرف اخو خزعل مارايد جميله لابنه
نوبه جواد عاند مارضى ينطي بنته
وضلو ناس تروح تقنع بجواد وناس تلين راس خزعل

لحد ما انطوهه اله
عادل تزوج جميله
بس ابوه شوفه الضيم .جان يحاسبه عالكعده والضحكه وي مرته .ومشاكل يوميه ماتخلص
حبلت جميله وجابت بت عادل فرح بيهه وطار
سماهه طيبه
خزعل ما اتدنه للطفله ولا حباهه
وبقى محارب جميله وعادل
يطردهم من البيت ويشمر هدومهم بالشارع
ويهددهم بالسلاح اذا ماطلعو
ويتدخلون عالم ويردوهم
حبلت جميله وجابت بت ثانيه سموهه
طيف . ومشاكل تزيد ماتنكص
لحد ما بزع عادل واشتره بيت يم بيت اهله زغير
واستقر بس مامرتاح بسبت ابو
وجهه هلكدوته جدام الناس
يوميه جايين ناس شكايه
يحاول يحجي ميفيد

-بويه الناس اكلت وجوهنه
عيب كبرت انته
ضل بالبيت وانه اصرف واجد عليك
فد بطل دربك بويه