مُقيده بأصفادِ الثأرِ

البارت السادس

هلَيِ بعأدأتكُم بأْجرِ تعدّموُنيٍ.....

_________<<<<>>>>_________
دخلونه من باب المطبخ والزلم طبت للديوانيه

وحده كايده الثانيه صارت كدامنه عمه فوزيه مره عامر

-ها بنيات عدنان جابوجن
جيتجن راح تبرد كلوبنه لو لا
لو شوفتجن راح تذكرني بابوجن وشلون اخذ زوجي وشبابي ويتم ولدي .ماراح تبرد ناري بجيتجن ابد
بس خل يحترك كلب ابوجن بيجن

-مدنكين ومانكدر نحجي زينب خاتله ورانه
صاحولنه بالصاله طبينه مثل السبايا
جان كاعد حيدر رجل طيف والسيد الراح يعقدلنه وولد عامر والشيخ الاجه ويانه بدا بملكوت عقد الهه على ابن عامر الجبير اسمه مازن
اعاين عليهه من نطقت موافقه حشرت الكلمه بنص زردومهه
اجه دوري وكام يحجي السيد

اساور بنت عدنان هل تقبلين بالزواج من قصي عامر
على سنه الله ورسوله ان قبلتي قولي نعم

ساكته ماكدر احجي
رجع كرر الكلام دموعي تحجرت بالمدمع صابتني رجفه بدمي

اساور بنت عدنان هل تقبلين !!!

-اخاف انطق
احس مثل الي ينطي لنفسه موافقه بالحكم على روحه بالموت
هيج احس الكلمه
بلعت ريكي ورفعت راسي ادور ياهو قصي
عاينت على واحد منهم يهز برجله متوتر ومخنزر

رفعت عيني عليه

-نعم قبلت
رجفت شفايفي وطاحت دمعه من عيني

نوبه ملجو ليسر اختي على حسام

اجه دور زينب كلنه التفتته عليهه خايفين
صغيرتنه المدلله شلون يزوجوهه توهه غسلت وبلغت

عقدولهه على الزغير اسمه مهند فد مهند اول ماكمل الشيخ ملجتهم كام مغتاض
طلع وراه الاسمه حسام
صوتهم عالي اسمعه يكله

-ولك زغيره شهل ضلم
شذنبهن يتحملن ذنب ابوهن
راح يرتاح ضميركم هسه ولك طفله ليش تحملوني ذنبهه

-مهند لعد ابوك هيج يروح دمه هدر

-حسام تاخذ حق ابوك منهن
شنو هنه شعليهن كتلن ابوك هنه

-اسمعهم وطلعونه وسلم علينه حيدر ووصانه نصبر وما ننزل راس اهلنه ووصاهم علينه وطلع
طبينه للصاله وحده وره الثانيه

شفنه ثنين بنات شابات

وحده جانت تبجي والثانيه واكفه شايله ابنهه

-سالتني الواكفه

-انتي شسمج

-اساور

-انتي الجبيره

-لا انه الوسط هاي اختي الجبيره ملكوت
احجي واني اشر على ملكوت

الجانت كاعده وتبجي بسرعه رفعت نفسهه وكامت باوعت عليه

-يعني انتي الوسطانيه مووو