مُقيده بأصفادِ الثأرِ

البارت-17-

ياهو اليرجعلي عمر
ضيعته عالـ مايسوه
ياهو اليعوضني بصبر
مرمر ايامي الحلوه
ياناس گلبي المنكسر مو مال اگولن فدوه ...

_________<<<<>>>>_________
اساور..

كرهت روحي وضآك الحجي بصدري وسولفيته دموع

اسال هو احنه ليش هيج صار بينه من الاساس
زين انه ليش نطيت كلبي ..

معقوله طحت ..
بعز صفنتي وجت يمي ملكوت

-شبيج خاطرج مو الاولي متكدر حيل

-انه كلي موش الاوليه ياخيتي

-الجرا عليج مثله جرا عليه
احس بيج واعرف الشاغل عكلج

-خيبه بخيبه .وهيج راح تمشي بينه !!

-هذا المكتوب علينه
وهمنه ترا من ادينه ..

-جاي نحجي وطبت علينه زينب مخطوف لونهه كمت عليهه بهمه

-شبيج زينب

-مارضت تحجي فد لونهه اصفر ورجفه بيهه
خفت عليهه والتفتت لملكوت ورديت التفتت على زينب
ضغطت عليهه تحجيلي شبيهه
وحجتلي شسوالهه مهند

نار وشعلت بصدري
سبيته ولعنت الساعه الجينه بيهه
زينب زغيره ماردت تتلوث وعكلهه يفكر بغير سوالف

عالاقل وحده بينه ماتنذل ما تنداس .
جنت كل الوكت اعلمهه اكلهه لا تنطين مجال يكض شعره منج.حرام ومايصير
هي ماتعرف شنو عاقد عليهه
عدالهه دام ماكو بدله عرس يعني مو حرمته

كمت بهمه وارد اهد عليه كضتني ملكوت فد مارديت عليهه نزلت بساع للغرفه مالته
دكيت باب حجرته وفتحه علي دفعته بسرعه وطبيت للغرفه بهمه

-وينه مهند وينه

-شبيج اساور

-النذل مهند انطاني كلمه وخلف بيهه
عبنه مو رجال لو رجال مايسوي هيج

-اهدي شبيج شصاير

-مااريد اهده اريد اشرب من دمه

طلعت من الغرفه حالي مايسر ادور اريد مهند
فحطانه وحجابي متخربط ووضعي كله مخربط
وي طلعتي صارت بوجهي رسل شافتني وعاطت

يبووووو الحك قصي الحك

-من الصدمه صفنت عليهه بهتت مادريت
شنهي الراح يصير وشبيهه تصارخ
راح من بالي علي واكف وراي

بهاللحضه طلع قصي بطرك الشورت مخروع

-الحك شفتهه طالعه من غرفه مهند وعلي وراهه وبس هم وحدهم

-فتحت عيوني بصدمه من هول المصيبه الراح اطيح بيهه

-التفتت لعلي مصدوم مثلي وازود