مُقيده بأصفادِ الثأرِ

البارت-27-

بقيت الليل كله اتكلب من القهر
لا هو اعتذر وبرر موقفه ولا اجه صالحني
هو نام بسابع نومه واني الوب بفراشي
التفت عليه اشوفه غافي
اصفن بيه .اتمنى اشوف شنو عقله كله من شافهه
شنو الشعور العاشه..

هيج ضليت اتخيل. شغلات من عقلي وارجع واجذب روحي واكول هي بيا حال ابوهه متوفي

كوه غفيت كعدت الصبح هو نايم بعده غسلت ونزلت سوينه ريوك كاعد اصب بالجاي نزل هو نزلت عيوني بسرعه ماخليته يحس كملت صب وقدمت الهم
شربت جاي وكعدت ع صفحه مدنكه واشرب

كملنه شغل وغدا وهوسه الغدا وكلمن راح لغرفته
نوب اني ابد مصعدت فوك وهو فوك
ويين يلا صعدت اخذت ملابس وسبحت ورجعت للغرفه جان نايم هو

-والله خوش تنام ولا يمك السالفه

احجي بكلبي وامشط كملت ورحت نمت
كعدت جان ماكو هو والكنتور مفتوح والغرفه هوسه
كعدت بتكاسل اعاين عليهه

هاي ليش هيج !!

كمت عزلته وعدلت ونزلت ماكو احد بس عمتي والبنات
بقينه العصريه نتعلل ونسولف والي تحضر العشه وال تسبح

وكفت اسوي زلاطه ولبنات يكملن العشه دخلت عمتي وگالت
قصي خابرني ما راح يجي يتعشى ويانا عازميه
هزيت راسي بدون كلام وهي طلعت

شمرت سجين من ايدي حسيت نار اشتعلت بداخلي
بس اريد اعرف شنو هل برود صار عنده

كملت زلاطه بدون واهس كملنه كل شي
نفسي نسدت من الاكل حتى ما اشتهيت من ورا
وهو اكيد هسه گاعد مرتاح ويضحك ويمكن حتى يحجي وياهه
ومخليني اني اكل بروحي اوووفف يا قصي شوكت ارتاح وياك
صرت الوم بروحي لان بديت وياه صفحه جديده
واذم بحضي الخلاني يمه ..

خلصوا عشه نظفت المطبخ وصعدت لغرفتي
افتر رايحه راجعه منتظره ردته للبيت شوكت
بقيت اكل بأظافري من قهر ومگابله الباب وگاعده

نفخت بضجر كون الزمه هسه افوخ نار گلبي
بس اريد اعرف ليش تجاهلني
وما برر موقفه اليه معقوله يريد يردها
انتفضت من مكاني لا شنو يردها هو ما يريدها
زين اني شبيهه هيج الغيره اكلتني ..
ليش من تجاهلني متت قهر اتعلمت عليه يحب ويغازل

فكرة تاخذني وفكره تردني لحد ما غفيت بدون ما ادري بنفسي واني انتظره

گعدت الصبح التفتت لمكانه لگيته نايم
صفنت بوجه دقايق تذكرت هو تأخر البارحه
وهسه نايم ومرتاح والنار مشتعله بيه

طلعت من الغرفه غسلت وجهي ونزلت يم لبنات
صبحت عليهن والتهيت اسوي ريوك
سمعت صوته وهو يصبح على امه

دخل للمطبخ شرب ماي وطلع ولا كأن اني موجوده
نصدمت من موقفه بقيت اباوع ورا
فوك ما هو المفروض يراضيني لان زعلت
تالي مبين هو زعلان وما فكر يبرر