مُقيده بأصفادِ الثأرِ

البارت-26-

: الشوغه الِ بصوتي سوالَف
شرد اكلُك
ضاع كُلشي
وضيعَتني
وكونك تحبني صَدُك
چـا دورتني ..

_______<<<<>>>>______

فلاش باااك

يسر..

اطب اطلع للغرفه اسمعه يخابر

-يي وشلون وصلو ..مالزموهم .وشكد مشو

زين هذا ثقه .وشكد تكلف

يحجي واني مافاهمه شيء
ولا بشنو يحجون وماكدر اساله ماعندي الصراحيه
اساله واستفسر بساع يغلط وينتر بالوجه ويمد ايده

بقيت ساكته ماتدخلت
وره يومين سمعت صوت عمتي من غرفته تحجي بس صوتهه طالع

-انت تريد تموتني كافي حسااام رحمه لابوك
وين تريد تولي وتعوف هالكوم لحم بركبتي
وشلون تطلع منو يكول تعبر سلامات الشغله تخوف
لا تخليني اضطر اكول لاخوانك والله اخليهم يكسروك كدامي ومتعتب الباب
استر عليه واكعد كافي مصايب حساام

هم ماكدرت افهم الصاير
بيومهه عمتي بقت ضايجه ومهمومه
حسام الليل كله يحش جكاير ويفكر بعدين خابر وكال هاهي باجر ب7تلكاني ...

طلع الصبح وحسيت عليه راح ورجع الضهر
ثاني يوم هم طلع
وضل هيج فتره.
واتصالاته والحجي مافهم منه شيء تحسه كلام مبطن
مثل الالغاز

لحد ما اجه قبل 3ايام وكال رايح وي جماعتي مارجع فد يومين
ماخذ وياه غير جنطه زغيره مال تبديله وحده
وسلم وراح
مرت يومين وهو مابين ولا كدرو يحصلون منه اتصال يطمن كلب امه الضاله بقلق عليه

عكب اليومين والولد كالو هذا مسربت اكيد ضيع تلفونه

اندك الباب علينه العصريه جان علي بالبيت بس من الولد

طلع وطلعت عمتي وراه ورجعو طبو وهم مخبوصين
اجو اخوته

وهنا الصدمه

حسام طالع تهريب ....

كعدت عالقنفه وعيني راحت على رضا ونزلت على بطني

شنوو يعني راح تهريب وين راح

جاوب علي

حسام طالع لتركيا ومناك متفق وي جماعه واليوم يطلعون الفجر عاليونان تهريب عالبحر ومناك يبدون يعبرون سباحه ويعبرون عالغابات

مازن-شمدريك بس كللنه شلون عرفو

علي-حسام ماخذ فلوس من جماعه50ورقه
والرجال من سامع بيهم طالعين تهريب جاي ويريد حقه

قصي-ومنين عرف طالعين تهريب اذا احنه مندري

-من صديق حسام كايل وواصل الخبر لصاحب الفلوس
حسام طالع هو ومهيمن تهريب