بأخر فتره كلش طبعك تغير،
وبديت انسحب منك حتى ما اخسر
جليد أنت تريد شلون اضل فوكاك؟
وانا اسمع بكاعك جاي تتفطر.
________<<<<>>>>________
نضرتي اله شرحت كل الي احس بيه بهاللحضه
صوته وهو يكوللهه
-براحتج يمه بس هسه صيري زينه والله كريم لهل حجي
وكالهه وهو مدنك ليش رفع راسه ابدد
اختنكت وعيوني جمرت نزلت مني دمعه سريعه وكمت بسرعه من مكاني
خنكتني الحجايه وحبست النفس بصدري
بقيت اللوب بالغرفه وابجي صعدتلي ملكوت
وشافتني مكطعه روحي بجي
اخذتني بحضنهه وتحاول تسكت بيه بس بدون فايده
نوب صعدن البقيه وهن يواسن بيه ويحجن شوكت لحكت هيج احبه واتعلق بيه
المشكله اني ماعرف ...
بس كل الاعرفه مهند صار محور حياتي وتفكيري
احلامي وانشغالات عقلي بيه
انام اكعد افكر بيه .
احلام بنيت وياه وتخيلت حياتي وياه
وهيج بلحضه كله يروح واحلامي طاحت على ضهري
كسره خاطري جبيره
وتفشلت جدام روحي
بقيت لثاني يوم وانه حابسه روحي فوك
اخاف اشوفه اخاف اواجهه ويكسرني بعذر اقبح من فعلته .
ثاني يوم عمه فوزيه دزت عليه كالت خل تنزل تشتغل
شنو عروس لو اميره وكاعده فوك
نزلت بروح مابيهه تشيل روحهه
عيوني ماكدر ارفعه اخاف اشوفه واضعف
اخاف من الفرصه الي تجمعنه وانه جنت الفرصه التلمني وياه اشتريهه
ابد هو ماتواجه وياي ولا يصير كدامي
دايما يسحب روحه من المكان الاني بيه
بدت عمتي تتحسن وشدت حيلهه تدور عرايس لولدهه
مدري منهو كايللهم احنه بلا كلب ومانحس
هيج عدهم بكل سهوله يدوسون على كلوبنه
ذبلت وعودي صوفر
والحزن مغطي على كلبي .
"غركانه بتعب كلش غميج "
صعبه شعور تشوف الي تحلم بيه يتحقق بس لغيرك
مر ايام وعمتي شافت وحده وقتنعت بيهه وكالو عدهه اخت ارمله كالت اذا عجبتني اخذه لقصي
راحت وشافتهه واجت بس تحجي بيهه وبجماله
والاهم عدهه شهاده ضلت تحجي وتوصف بيهه كدام مهند
وهو مانطق حرف عمتي اتفقت وياهم تجيب مهند باجر يشوفهه ومن ينزل قصي من دوامه هم تاخذه يشوف اختهه
بقيت الليل كله الوب مثل العلتهه بروحهه وما تكدر تداويهه
تمنيت مايجي باجر
ثاني يوم واني منايمه للعصر واني عيوني تراقب الخطوات بس عيوني مارفعه بعينه
راحو وروحي انسحبت مني بقيت ابجي وانحب
لميت روحي وكعدت ابجي بروح مسلوبه ثكلت عيوني
مانايمه وبس بجي احس ماكدر افتحه بعد
خواتي يصبرن ويسكتن بيه بس شيفيد شيقنع كلبي
أنت تقرأ
مُقيده بأصفادِ الثأرِ
Storie d'amoreلكل منا حلم واهداف احكام عشائريه واعراف،.. ماذا عن فتيات يؤخذن من احضان امهم تحت مسمى العرف العشائري
